«Barymtashylar. Ýaqyt joldary» kınosy 29 shildede Fransııa elinde keń aınalymǵa shyǵyp, 20-dan astam qalada kórsetiletin bolady. Bul týraly «Qazaqfılm» stýdııasynyń baspasóz qyzmeti Instagram-daǵy paraqshada habarlady.
«Japon rejısserimen birlesip jasalǵan bizdiń fılmimiz álemdik kınematograftyń otanynda kórsetiletin bolady. Bul meniń ómirimde alǵash ret bolyp otyr. Sondyqtan, bul men úshin óte qyzyqty jáne qýanyshty sát», dedi kartına rejısserleriniń biri Erlan Nurmuhambetov.
Fılmniń ekinshi rejısseri - japondyq Lıza Takabe. Basty rólderdi Samal Eslıamova, Adııa Mýsına, Mıraı Morııama somdady.
Qazaqstanda atalmysh kınotýyndy aǵymdaǵy jyldyń qyrkúıek aıynda elimizdiń barlyq ashyq kınoteatrlarynda kórsetiledi.
