2022 jyldyń 1 mamyrynan keıin «Astana Banki» AQ salymshylary burynǵydaı tikeleı QDKBQ tóleýge ótinish bere almaıtyn bolady. Zańnamalyq ózgeristerge sáıkes, talap etilmegen soma depozıtordyń jeke zeınetaqy shotyna aýdarylady.
Qordyń barlyq salymshylar aldyndaǵy tólemniń qaldyǵy shamamen 401,9 mıllıon teńgeni quraıdy. Osyǵan baılanysty, Qor kepildik berilgen ótemdi alýǵa ótinish bildirmegen barlyq salymshylar úshin agent bank arqyly tólem merzimin 2022 jylǵy 1 mamyrǵa deıin uzartty.
«205 myńnan astam salymshy tólem alýǵa áli ótinish bergen joq. 165 786 salymshynyń 1 myń teńgeden az aqsha qaldyǵy bolsa, 30 015 salymshynyń 1 myńnan 5 myń teńgege deıin, 4 766 salymshynyń 5 myńnan 10 myń teńgege deıin qalǵany bar», delingen qordyń baspasóz qyzmetiniń habarlamasynda.
Kepildik mólsheri ulttyq valıýtadaǵy depozıtter boıynsha 10 mıllıon teńgeden jáne shetel valıýtasyndaǵy depozıtter boıynsha 5 mln teńgegeden aspaıdy.
