Baıda aýyldyq okrýginiń ákimi Júsip Tóreǵalıevtyń aıtýynsha, bul másele turǵyndar jıynynda taǵy da qozǵaldy.
«Eki eldiń shekarasyndaǵy aýylymyz Kotıaev atalady. Turǵyndar arasynda aýyl ataýyn ózgertý máselesi kópten beri kóterilip keledi. Biraq, bul – búginge deıin sheshimin tappaǵan máseleniń biri. Aýyl men okrýgtiń ataýyn ózgertý máselesi qozǵalǵan jıynda ardagerler, qoǵamdyq keńes músheleri men turǵyndar óz usynystaryn ortaǵa saldy», deıdi Júsip Tóreǵalıev.
Ákimniń aıtýynsha, turǵyndar eki usynys bildirip otyr. Onyń birinshici – Kotıaev ataýyn Bókeı han dep ózgertip, okrýgtiń ataýyn burynǵysha qaldyrý. Ekinshi usynysta okrýgke de, aýylǵa da qazaqtyń birtýar tulǵasy Bókeı hannyń atyn berý aıtylǵan.