Ákimniń aıtýynsha, epıdemııalyq jaǵdaıy kúrt nasharlaǵan qalalar qatarynda Atyraý da bar. Osyǵan baılanysty Ashyq jobasyna qatyspaıtyn barlyq kásiporyn men uıymnyń qyzmeti ýaqytsha toqtatylady. Oıyn-saýyq, sporttyq, otbasylyq, sadaqa jáne ózge de buqaralyq is-sharalarǵa tyıym salynady.
«О́ńirde asa qaýipti «Delta» shtamynyń taralýy men karantındik talaptardyń saqtalmaýynan koronavırýs pen pnevmonııaǵa shaldyqqandar sany kúrt ósti. Máselen, byltyr osy ýaqytta orta eseppen 5 830 jaǵdaı tirkelse, bıyl 7 767-ge jetip otyr. Kún saıyn koronavırýs ınfeksııasyn juqtyrǵan 400-den astam naýqas anyqtalýda. Qazir 1,5 myńdaı adam ınfeksııalyq stasıonarlarda oqshaýlanǵan. Onyń ishinde 102 júkti áıel, jas bosanǵan 4 ana men 18 jasqa deıingi 13 bala bar. Ambýlatorııalyq em qabyldap jatqandar sany 4 myńǵa jýyqtady. Jansaqtaý bóliminde 80 adam aýyr halde jatyr. Sońǵy 4 kúnde qaýipti vırýstan 24 adam qaıtys boldy», deıdi Mahambet Dosmuhambetov.
