Balyq sharýashylyǵy komıteti baspasóz qyzmetiniń aqparatyna súıensek, Naryn sýlandyrý-sýarý kanaly «AtyraýSýshar» RMK-niń balansynda tur. Uzyndyǵy – 177,8 km, eni – 40 metr bolatyn kanaldyń Janbaı aýyldyq okrýginen Aqbas ýchaskesine deıingi aralyǵynan jınalǵan 228 keli óli balyq sanıtarlyq normalarǵa sáıkes joıylǵan.
«Sý synamalaryn taldaý nátıjeleri boıynsha ammonıı azotynyń, hlorıdterdiń, temirdiń, qalqyma zattardyń jáne qurǵaq qaldyqtyń shekti ruqsat etilgen konsentrasııasynan (ShJK) asyp ketkeni anyqtaldy. Atyraý oblysynyń mamandandyrylǵan tabıǵat qorǵaý prokýratýrasy «Jaıyq-Kaspıı» oblysaralyq basseındik balyq sharýashylyǵy ınspeksııasynyń bastamasymen «AtyraýSýshar» RMK-ǵa qatysty qylmystyq is qozǵaý máselesin qarastyrýda», dep habarlady komıtettiń baspasóz qyzmeti.
