Eki aıdan astam ýaqytqa sozylady dep josparlanǵan festıval II kezeńge bólingen. Alǵashqy kezeń básekesi elimizdiń tórt oblysynda ótedi. Taýda alǵashqy kezeńniń alǵashqy saıystary Kókshetaý qalasynda bastalyp ta ketti. 28-30 shilde kúnderi kókpar, qazaq kúresi, toǵyzqumalaq, asyq atý, aýdaryspaq, jamby atý, teńge ilý syndy sport túrleri boıynsha irikteý jarystary ótti.
Otyz jyldyq torqaly toıǵa oraılastyrylǵan ulanǵaıyr sport sharasyn uıymdastyrýǵa Mádenıet jáne sport mınıstrligi Sport jáne dene shynyqtyrý isteri komıtetine qarasty «Ulttyq jáne at sporty túrleri ortalyǵy» RMQK muryndyq bolyp otyrǵanyn da aıta keteıik.
Sonymen, elimizdiń soltústik aımaǵyn qamtıtyn alǵashqy irikteý jarystaryna Nur-Sultan qalasy, Aqmola oblysy, Qostanaı oblysy, Soltústik Qazaqstan oblystarynan 180 sportshyqatysty. Úsh kúnge sozylǵan jarys nátıjesinde kókpardan – Aqmola oblysynyń, aýdaryspaqtan – Nur-Sultan qalasynyń sportshylary jeńimpaz atandy. Jamby atýdan taǵy da aqmolalyqmergenderdiń baǵy jandy. Teńge ilýden – Soltústik Qazaqstan, asyq atýdan – Aqmola oblysy, toǵyzqumalaqtan jáne qazaqsha kúresten – Nur-Sultan qalasy jigitteri jeńimpaz atandy.
Aıta keteıik, aımaqtardaǵy irikteý jarystarynda elimizdegi 14 oblys, 3 qalanyń komandalary baq synaıdy. Úzdik shyqqan komandalar festıvaldiń II kezeńinde, ıaǵnıfınalda óner kórsetedi.
