– Sizge artylǵan senim – qoǵamdaǵy turaqtylyqty, birlik pen kelisimdi qamtamasyz etýge, azamattardyń ál-aýqatyn arttyrýǵa, Armenııanyń halyqaralyq arenadaǵy bedelin nyǵaıtýǵa baǵyttalǵan saıasatyńyzdyń keń qoldaý tapqanynyń aıqyn kórinisi, – delingen jedelhatta.
Qasym-Jomart Toqaev Nıkol Pashınıannyń asa jaýapty memlekettik laýazymdaǵy qyzmeti Armenııanyń turaqty damýy men ilgerileýine, sondaı-aq, Qazaqstanmen aradaǵy ekijaqty jáne kópjaqty qatynastardy keńeıtip, tereńdetýge yqpal etetinine senim bildirdi.
Memleket basshysy Armenııanyń Premer-Mınıstrine zor densaýlyq pen mol tabys, dostas armıan halqyna ıgilikter men órkendeý tiledi.
