Foto: Polisia.kz
«Ustalǵan er adamnyń «Mamyr» yqsham aýdanyndaǵy páterin tintý kezinde erekshe ıisi bar jasyl tústi untaq zat salynǵan 74 polıetılen paketi tabylyp, tárkilendi. Sot hımııalyq saraptamasy untaqtyń «gashısh» esirtkisi ekenin anyqtady. Salmaǵy – 340,1 gr. Kúdikti óz kinásin moıyndap, ýaqytsha ustaý ızolıatoryna qamaldy», dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Osy derek boıynsha QR QK-niń 297-babyna sáıkes sotqa deıingi tergeý júrip jatyr. Bul bapta úsh jyldan jeti jylǵa deıin bas bostandyǵynan aıyrý jazasy qarastyrylǵan.
Vedomstvo qara naryqta gashıshtiń baǵasy 5 gramm úshin 3000 teńgeni quraıtynyn atap ótti. Qazirgi ýaqytta tergeý, onyń taýarlardy qaıdan jáne qalaı alǵanyn anyqtap jatyr.
