«Pandemııa bastalǵan kezde juqpaly aýrýlar boıynsha mamandar men reanımatologtardyń jetispeýshiligi boldy. Bul jetispeýshilik áli de bar. Kadr tapshylyǵyn joıý úshin úlken joba ázirlendi. Bıylǵy jyly jetispeıtin mamandardy daıarlaý úshin rezıdentýraǵa 120 grant beriledi. Aqsha jergilikti bıýdjetten bólinetin bolady. Granttyń kóp bóligi «juqpaly aýrýlar», «anestezıologııa» jáne «reanımasııa» mamandyqtaryna arnalǵan», dedi qalalyq Densaýlyq saqtaý basqarmasy bastyǵynyń orynbasary Svetlana Sultanǵazıeva brıfıngte.
Onyń aıtýynsha, qazirgi ýaqytta juqpaly aýrýlar aýrýhanasynda 6315 medısına qyzmetkeri jumys isteıdi. Sonymen qatar osyndaı mekemede jumys istegisi keletinderdiń rezervi bar. Onda ınternatýra, rezıdentýra, kolledj túlekteri men qazirgi ýaqytta emhanada jumys isteıtin qyzmetkerler bar. Jalpy sany 2000-nan astam qyzmetker rezervte.
