Janııa Azamatqyzy Almaty qalasynda týǵan, otbasynda 4-shi bala. Týý týraly aktisine sáıkes náresteniń ata-anasy Almaty oblysy Ile aýdany Chapaevo aýylynda turady. Anasy - Nazgúl Baltabaıqyzy Kóbentaeva, 1986 jyly týǵan, ákesi - Azamat Ábilǵapparuly Nurǵalıev, 1982 jyly týǵan.
«19-shy mıllıon turǵyndy anyqtaý barlyq demografııalyq oqıǵalardy: tabıǵı qozǵalys ósimin (belgili bir kezeńde tiri týǵandar men qaıtys bolǵandar arasyndaǵy aıyrma) jáne halyqtyń kóshi-qon aıyrymyn (elimizdiń aýmaǵyna belgili bir kezeńde kelgender sany jáne onyń sheginen tys ketkender sany arasyndaǵy aıyrma) eskerip júrgizildi. Kandıdatýra jalpy respýblıka boıynsha turatyn jerine táýelsiz anyqtaldy», delingen Ulttyq statıstıkasy bıýrosynyń habarlamasynda.
Jalpy, táýelsizdik jyldary ishinde halyq sany 2 557,9 myń adamǵa (15,5%) ósip, aǵymdaǵy jylǵy 1 shildege 19 009,6 myń adamdy qurady.
Eske salaıyq, Qazaqstan halqynyń sany 19 mıllıon adamǵa jetkeni týraly súıinshi habardy Memleket basshysy Qasym-Jomart Toqaev jetkizgen edi.
