Málimet boıynsha, aımaqtaǵy shóp shabý naýqanyna 1670 adam jumyldyryp, 295 shóp shabatyn brıgada tartylǵan. Sharýa qojalyqtary men iri seriktestikterdiń shabyndyq alqaptarynda 1576 shóp shabatyn mashına jáne 1401 pishen nyǵyzdap jınaıtyn tehnıka toqtaýsyz jumys istep jatyr eken. Jalpy, óńirde sharýashylyqtar men jeke turǵyndar shabyndyqqa 15,2 myń gektar jer paıdalansa, jaıylym úshin 899,9 myń gektar jer qoldanady. Sondaı-aq erekshe qorǵalatyn tabıǵı aýmaqtardan 164 gektar shabyndyq, 59 myń gektar jaıylym alqaby taǵy bólingen.
Al jetisý sharýalary qazirge deıin 1810 myń tonnadan astam shóp daıyndap úlgergen eken. Bul josparlanǵan jumystyń dyń 64,2 paıyzynyna astamy tolyq aıaqtalǵanyn kórsetip otyr. Onyń ishinde 285,4 myń tonna pishen, 124,9 myń tonna saban, 55,7 myń tonna mal jemi qambaǵa jınalǵan kórinedi. О́nimdilik te jaman emes. Tabıǵı shabyndyqtyń ortasha ónimdiligi ár gektarynan 15-25 sentnerden aınalsa, jońyshqa men kóp jyldyq shóp túrleri gektarynan 35-40 sentnerden ónim berip otyr. Sondaı-aq kúzgi jıyn-terin men shóp daıyndaý jumystaryna 13,8 myń tonna dızel otyny bólingen bolsa, onyń 1,8 myń tonnasy shóp shabý naýqanyna jumsalmaq. Munan bólek, aýdandar byltyrdan qalǵan jem-shóp qoryn túgendep jatyr eken. Máselen, Aqsý, Alakól, Eskeldi, Jambyl, Uıǵyr aýdandarynda 30,2 myń tonna mal azyǵynyń qory murty buzylmaı saqtaýly turǵan kórinedi.
Mal azyǵy demekshi, jaqynda Talǵar aýdanynda ornalasqan «Baıserke-Agro» JShS janynan jem daıyndaı jańa kásiporyn iske qosylǵna bolatyn. Etti jáne sútti baǵyttaǵy iri qaraǵa, qus pen balyqqa arnalǵan 10 túrli jem daıyndaıtyn zaýyt jylyna 36,5 myń tonnalyq qýattylyqqa ıe eken. Al óndiristiń jobalyq quny 1,4 mlrd teńge. Zaýytta 15 jumys orny ashyldy.
- Bizdiń aýdanda buǵan deıin mundaı iri zaýyt bolǵan joq jáne maldyń jemi kórshi aýdandardan jetkiziletin. Endi zaýyt tolyq qýatyna shyqqanda, «Baıserke Agro» agroholdıngi mol jem qoryn qalyptastyryp qana qoımaı, aýdannyń, tipti oblystyń aýmaǵyndaǵy mal ósirýmen aınalysatyn sharýashylyqtar úshin zor paıda ákelmek. Qajetti jem qoryn qalyptastyrý mal basyn kóbeıtýge múmkindik. Sondyqtan mal azyǵyn daıyndaıtyn jańa zaýyttyń ashylýy óńirdiń aýyl sharýashylyǵy úshin úlken múmkindikterge jol ashady dep senemiz, Jalpy, tehnologııany saqtaý, ǵalymdarmen birlesip jumys isteý «Baıserke Agro» holdıngi úshin árdaıym birinshi orynda turady. Onyń nátıjesin kórip kelemiz, - Talǵar aýdany ákiminiń orynbasary Ermek Tolqynov.
Aıtpaqshy, elimizdiń batysyndaǵy qýańshylyq jaılaǵan óńirler turǵyndarynyń aýytpalyǵyn jetisýlyq sharýlar da bólisip otyr. Máselen, taldyqorǵandyq belgili kásipker, qoǵam belsendisi Almasbek Sadyrbaev «Mańǵystaýǵa kómek» qoryn ashqan bolatyn. Búginde bul qorǵa 7 mıllıon teńgeden astam qarajat jınalǵan kórinedi. Jınalǵan qarajatqa 60 tonna shóp, 68 tonna bıdaı satyp alynyp, Mańǵystaý oblysyndaǵy jem-shópten taryqqan sharýashylyqtarǵa jóneltilipti.
Sondaı aq Sarqan jáne Eńbekshiqazaq aýdanynyń janashyr jastary jınalyp, shabyndyqtan óz kúshterimen shóp shaýyp, ony Qyzylorda men Mańǵystaý aımaǵyna jóneltken kórinedi. Mysaly, sarqandyq jastar birinshi kezekte 10 tonnadan astam taılanǵan shóp jiberse, Eńbekshiqazaq aýdanynyń eriktileri 3 tonnadan astam shóp, 5 tonna jem jáne aqshalaı kómek kórsetken. Jalpy, Almaty oblysynyń sharýalary ótken aıda bastys óńirdegi baýyrlarǵa 73 tonnadan astam shóp, 73 tonna jem jáne aqshalaı kómek jiberip úlgergen. Bul qaıyrym jasaý úrdisi áli de jalǵasa bermek.
