«Jol polısııasy elorda ákimdigimen birlesip, jolaqtar arasyndaǵy qashyqtyqty ulǵaıta otyryp, jaıaý júrginshiler ótkeliniń aldynda qyzyl shý jolaqtaryn ázirlep jatyr. Bul jolaq shý áserin týdyrady, sonymen qatar júrgizýshilerdiń nazaryn aýdarýǵa múmkindik beredi. Jyl basynda qala kósheleriniń jeti ýchaskesine ornatyldy, qazirgi ýaqytta basqa kóshelerge qoıylyp jatyr», dep jazylǵan habarlamada.
Polısııa atap ótkendeı, munyń bári azamattardyń qaýipsizdigi úshin jasalǵan.
«Jol qaýipsizdigin qamtamasyz etý - bizdiń azamattardyń ómiri men densaýlyǵyn saqtaýda birinshi kezektegi mindet. Qabyldanǵan sharalar qaýipti jol ýchaskeleriniń sanyn azaıtýǵa jáne jol apatynyń aldyn alýǵa múmkindik beredi», dedi qalalyq jol polısııasynyń basshysy Erjan Sádenov.
