ShQO Tótenshe jaǵdaılar departamenti baspasóz qyzmetiniń málimetine súıensek, 1 tamyzda úıden shyǵyp ketken 18 jastaǵy jigit sol-kúıi qaıtyp oralmaǵan. Kelesi kúni Úlbi ózeniniń janynan ótip bara jatqan adamdar onyń jeke zattary men uıaly telefonyn taýyp alyp, týystaryna habar bergen.
«3 tamyz kúni habar-osharsyz ketken azamattyń týystary qutqarýshylardan kómek surady. Sóıtip, izdestirý jumystary dereý qolǵa alyndy. О́kinishke qaraı, búgin Úlbi ózeninen er adamnyń máıiti tabyldy», dep habarlady vedomstvo ókilderi.
Osy rette, departament mamandary óńir jurtshylyǵyna jabdyqtalmaǵan jerlerde shomylmaý qajettigin eskertedi.
