Koronavırýs ınfeksııasynyń taralý jyldamdyǵyn baǵalaý matrısasyna sáıkes, 2021 jyldyń 2 shildesinen bastap Aqmola oblysy «qyzyl» aımaqta.
Kókshetaý qalasynda pandemııa bastalǵaly beri 9920 adam vırýs juqtyrǵan. Shildede 1527 jaǵdaı tirkelse, maýsym aıynda 4,5 ese az - 341 jaǵdaı.
«Sońǵy táýlikte 65 adam vırýs juqtyrdy, onyń ishinde 5%-ynda aýrý sımptomy joq. 7 ólim tirkeldi. Búgingi kúni oblys ortalyǵyndaǵy tósek qorynyń júktemesi 115%-ǵa deıin ósti. 598 adam aýrýhanaǵa jatqyzyldy, 65 pasıent reanımasııada, úsh naýqas ottegige táýeldi. Naýqastardyń 99%-y ekpe almaǵan», dedi Q.Ysqaqov.
