Senator kezdesý barysynda Memleket basshysynyń negizgi saıası reformalaryn júzege asyrýda aýdandyq mańyzy bar qalalar, aýyldar, kentter men aýyldyq okrýgter ákimderin tikeleı saılaý – mańyzdy qadam bolǵanyn atap ótti. El Prezıdenti Qasym-Jomart Toqaevtyń bastamasy boıynsha Parlament zańnamaǵa tıisti ózgerister engizdi. Saılaý júıesin jetildirý, jergilikti ózin ózi basqarý júıesin nyǵaıtý, óziniń konstıtýsııalyq quqyqtaryn iske asyrý kezinde halyqtyń belsendiligin arttyrý, sondaı-aq saıası partııalardyń rólin arttyrý – atqarylyp jatqan jumystardaǵy basty maqsat.
«Prezıdenttik saıası reformalar toptamasynda aýyl ákimderin tikeleı saılaý – saıası jańǵyrýdyń jańa kezeńin bildiredi. Qazaqstan azamattaryna táýelsizdik tarıhynda tuńǵysh ret ákimderdi tikeleı saılaýǵa jáne jergilikti mańyzy bar máselelerdi sheshýge belsendi qatysýǵa múmkindik berildi», dedi Vladımır Volkov.
Senator sol kúni Eltaı aýyldyq okrýginiń turǵyndarymen de kezdesti. Depýtat ýchaskelik polısııa pýnktiniń jabdyqtalýymen, sondaı-aq mektepterdiń aldaǵy oqý jylyna daıyndyq barysymen tanysty.
Vladımır Volkov oqý oryndarynyń qaýipsizdik máselelerine: dabyl túımeleriniń, týrnıketterdiń, belgi berý quraldarynyń jáne t.b. bolýy jáne úzdiksiz jumys isteýine erekshe nazar aýdardy.
