Indetke júkti áıelder de shaldyǵyp jatyr

Sanıtarlyq-epıdemııalyq ba­qy­laý departamentiniń basshysy Nursulý Berkimbaevanyń habarlaýynsha, qaladaǵy toıhanalar men meıramhanalarda jasyrynyp toı ótkizip, as berý toqtar emes. О́tken aptada monıtorıngtik toptar 55 nysandy josparsyz tekserip, karantın tártibin buzǵan kásipkerlerge 8 mln teńgeden asa aıyppul saldy. Jalpy jyl basynan beri karantın erejesin buzǵan kásipkerlerge 60 mln teńgeden asa aıyppul salynǵan edi.

Aq­tóbe qalasynda KVI naýqas­taryn oblystyq ftızıopýl­mono­logııalyq ortalyq, temirjol aýrýhanasy men Aqtóbe medısına ortalyǵy qabyldaıdy. Dál búginde osy úsh emdeý mekemesindegi kereýetter júktemesi 80 paıyzdan assa, reanımasııalyq kereýetter júktemesi 47 paıyzǵa jetti. Aýrýhanaǵa jat­qyzylǵan 960 naýqastyń 91-i reanımasııada, 12-i ókpeni jasandy jeldetý apparatyna qosylǵan.

Mýtasııaǵa ushyraǵan «Delta» shta­mynyń taralýymen júkti áıelder men balalar arasynda da aýrý kóbeıip tur. KVI-ge shaldyqqan 260 bala, 128 júkti áıel dárigerler baqylaýynda tursa, 47 júkti áıel, 19 bala aýrýhanaǵa jatqyzyldy. Onyń ishinde 5 áıeldiń jaǵdaıy aýyr. Oblystyq densaýlyq saqtaý bas­qar­masy basshysynyń orynbasary Bekbolat Izbasarov aýyrǵandar sany kúrt kóbeıer bolsa, naýqastardy jat­qy­zatyn jer de bolmaı qalýy múmkin ekenin aıtady.

Oblysqa jyl basynan beri 422 myń doza vaksına jetkizilse, onyń birinshi komponentin 227 681 adam (49 paıyz), ekinshi komponentin 145 912 (31 paıyz) adam saldyrdy. Osylaısha óńir turǵyndarynyń 35 paıyzy koronavırýs ınfeksııasy boıynsha tolyq ımmýndaýdan ótken.

2 tamyzdan bastap Aqtóbe qala­syn­daǵy barlyq emhanalarda shuǵyl jaǵdaıdaǵy naýqastar bolmasa bar­lyq ambýlatorııalyq emdeý, skrınıngter, josparly medısınalyq tekserister ýaqytsha toqtatyldy. Endi ýchaskelik dárigerler naýqas­tar­dy aldyn ala jazylym boıynsha qabyl­daı­dy.

Bıyl jyl basynan beri óńirde 260 adam koronavırýstan qaıtys boldy. Shildede osy indetten marqum bolǵan­dar­dyń sany 43-ke jetti. «Delta» shtamynyń adamdar arasynda jedel taralýyna baılanysty dárigerler turǵyndardan barynsha saqtyq sha­ra­laryn saqtaýdy ótinip otyr. Pan­de­mııa bastalǵannan beri Aqtóbe ob­ly­synyń 17 017 turǵyny koronavı­rýs ınfeksııasyna shaldyǵyp, 12 861 naýqas jazylyp shyqqanyn aıta ket­ken jón.

Aqtóbe oblysy