Aǵymdaǵy jyldyń 10 qańtarynda «Qazaqstan» konsert zalynda Qazaqstan Respýblıkasy IIM Ishki áskerleri ortalyq orkestri men Án-bı ansambliniń dástúrli Gala-konserti ótti. Bul jolǵy konserttik baǵdarlama «Qazaqstan meniń júregimde!» dep ataldy. Jınalǵan jurtty jalyndy án-jyrmen jigerlendirgen merekelik shara IIM Ishki áskerleriniń qurylǵanyna oraı uıymdastyryldy. Sebebi, dál sol kúni, ıaǵnı 10 qańtarda elimizdegi irgeli kúsh-qurylymdardyń biri – Qazaqstan Respýblıkasy IIM Ishki áskerlerine 22 jyl toldy.
Aǵymdaǵy jyldyń 10 qańtarynda «Qazaqstan» konsert zalynda Qazaqstan Respýblıkasy IIM Ishki áskerleri ortalyq orkestri men Án-bı ansambliniń dástúrli Gala-konserti ótti. Bul jolǵy konserttik baǵdarlama «Qazaqstan meniń júregimde!» dep ataldy. Jınalǵan jurtty jalyndy án-jyrmen jigerlendirgen merekelik shara IIM Ishki áskerleriniń qurylǵanyna oraı uıymdastyryldy. Sebebi, dál sol kúni, ıaǵnı 10 qańtarda elimizdegi irgeli kúsh-qurylymdardyń biri – Qazaqstan Respýblıkasy IIM Ishki áskerlerine 22 jyl toldy.
Elbasy – Qarýly Kúshterdiń Joǵarǵy Bas qolbasshysy Nursultan Nazarbaev 1992 jyldyń 10 qańtarynda Ishki áskerlerdi qurý týraly Jarlyqqa qol qoıǵan bolatyn. Mine, sol kezden bastap ishki áskerler jaýyngerleri ózderine júktelgen mindet-talapty abyroımen arqalap keledi. 1998 jyly 11 shildede Elbasy Ishki áskerler qolbasshylyǵynyń Bas basqarmasynda bolyp, astanalyq garnızonnyń eki áskerı bólimine Jaýyngerlik týlaryn tapsyryp turyp: «Men elimizdiń Joǵarǵy Bas qolbasshysy retinde qyzmetterińizdiń jaqsy jaǵdaıda ótýine jáne ishki áskerdiń qamtamasyz etilýi laıyqty deńgeıde bolýyna qamqorlyq jasaýǵa tyrysamyn», – degen edi. Qýatty eldiń qaýipsizdigine kepil berer kúsh qurylymyna berilgen sóz jerde qalmady. Memleket basshysy – Qarýly Kúshterdiń Joǵarǵy Bas qolbasshysy Nursultan Nazarbaev ishki áskerdiń kúsh-qýatyn jetildirý men damytýǵa udaıy kóńil bólip keledi.
Qazirgi tańda myqty materıaldyq-tehnıkalyq bazamen qamtamasyz etilgen ishki áskerdiń jaýyngerlik jáne sandyq quramy Ulttyq qaýipsizdik strategııasy talaptaryna saı. Elimizdiń ishki áskeri strategııalyq mańyzdy, onyń ishinde, ıadrolyq nysandar, arnaıy júkterdi tasymaldaý kúzetin qamtamasyz etedi. Ishki ásker, sondaı-aq, Ishki ister mınıstrliginiń Qylmystyq-atqarý júıesine qarasty 50 túzeý mekemesin kúzetip, ishki ister organdarynyń polısııa qyzmetkerlerimen birge elimizdiń 19 iri qalasyndaǵy qoǵamdyq tártiptiń kúzetinde turady.
Temirdeı tózimdi talap etetin jaýapkershiligi mol jaýyngerlik jolda kásibı biliktilik pen sheberlikterimen alǵy shepke shyqqan áskerdiń dańqy jyldan-jylǵa artyp keletinin de aıta ketken jón. Bul sózimizge joǵary memlekettik marapattarǵa ıe bolǵan 130-dan astam áskerı qyzmetshi men táýelsizdigimizdi táý etken 22 jyl ishinde Memleket basshysynyń óz qolynan áskerdiń 22 sardary «general» joǵary áskerı ataǵyn alǵany aıǵaq bola alady.
Ishki áskerdiń taǵy bir úlken maqtanyshy – álemdik dúbirli dodalarda namysty qoldan bermeı júrgen sport sańlaqtary. Sanaýly kúnderden keıin bastalatyn Sochıdegi Qysqy Olımpııa oıyndarynda IIM IÁ-niń 14 sportshysy baqtaryn synamaq. Olardyń aldyńǵy qatarynda Alekseı Poltoranın, Elena Hrýstaleva, Denıs Ten, Dmıtrıı Reıhard, Iýlııa Galysheva sekildi úzdikter bar. Esterińizde bolsa, ótken jyly Londonda ótken Olımpııa oıyndarynda Qazaqstannyń qurama komandasy 13 medalǵa qol jetkizgen bolatyn. Osy jeńistiń altaýyn ishki ásker sporty-sarbazy qanjyǵalaryna baılap qaıtqan edi.
Elimiz egemendigin jarııalaǵannan 26 kúnnen keıin qurylyp, búginge deıin egemendigimizben birge eseıip, syn men synaqqa toly kúrdeli joldan ótken ishki áskerler tól merekelerin joǵary deńgeıde atap ótti. Ataýly dataǵa oraı uıymdastyrylǵan saltanatty shara qasıetti juma kúni Ishki áskerler Bas qolbasshylyǵynda bastaý aldy. Sharanyń resmı bóliginde Qazaqstan Respýblıkasy Ishki ister mınıstri, polısııa general-leıtenanty Qalmuhanbet Qasymov pen Ishki áskerler Bas qolbasshysy, general-maıor Rýslan Jaqsylyqovtyń buıryǵymen aǵa býyn dástúrin jalǵastyryp, qyzmettik mindetterin adal oryndap júrgen birqatar ofıserler men kelisimshart boıynsha áskerı qyzmetshiler marapattaldy. Dál osy kúni 6636 men 3660 áskerı bólimderinde qatarǵa jańa qosylǵan 400-ge jýyq jas sarbaz saltanatty túrde Áskerı ant qabyldady.
Al, Qazaqstan Respýblıkasynyń mádenıet qaıratkeri, polkovnık Rahmetjan Shamuratovtyń jetekshiligimen ótken konserttik baǵdarlamada Estaı Muqashev, Murat Erǵazıev, Marjan Arapbaeva, Edil Qusaıynov, Ǵaını Jumasheva sekildi elge tanymal ánshiler óner kórsetti.
«Qazaqstan meniń júregimde!» ulttyq ónerden bastaý alyp, kúmbirlegen kúımen kómkerilgen, qazirgi estradalyq ándermen órilip, álem halyqtarynyń myń buralǵan bılerimen áspettelgen jarasymdy kesh boldy. Ádemi ázilge de, jas býynnyń jańa baǵyttaǵy án men bıine de oryn taba bilgen konsertte jınalǵan jurt Estaı Muqashev, Rahmetjan Shamuratov pen Vıktor Iаshnovskııdiń oryndaýlaryndaǵy A.Rozenbaýmnyń «Vechernıaıa zastolnaıa», ansambl ánshisi Baýyrjan Turǵumbaev júrekpen shyrqaǵan «Ofıser myrzalar» ánderine erekshe qoshemet bildirdi. Ishki áskerdiń bet-beınesin, tynys-tirshiligin ǵana emes, rýhty oıatatyn jalyndy jyrlar tógilgen keshtiń shymyldyǵyn konsertke qatysýshylardyń barlyǵy «Eldiń qorǵany» ánimen japty.
Depýtattar, Astana ákimdigi, Ishki ister mınıstrligi ortalyq apparatynyń basshylary, Ishki áskerler Bas qolbasshylyǵy men ishki áskerler ardagerleri, sondaı-aq, elimizdiń ár óńirinen kelgen sarbazdardyń otbasy men týǵan-týystary aldynda patrıottyq asqaq rýh, ór namys jaıly án-jyrlaryn usynǵan sarbazdar sapta ǵana emes, kıeli sahna tórinde de qýatty ekendikterin taǵy bir dáleldep berdi.
Baný RAHYMBAIQYZY,
jýrnalıst.
