«Sportshy Krıstına Tımanovskaıanyń Polshaǵa aman-esen kelgenine kózim jetkende men tynyshtaldym. Sonymen birge, taǵy bir namysqoı belarýstik áıel Lýkashenko rejıminiń áreketi men Olımpıada bitimgershiliginiń buzylýyna baılanysty óz elinen ketýge májbúr boldy», dedi Borrel.
Olımpıada bitimgershiligi - bizdiń zamanymyzdan burynǵy 8 ǵasyrda Olımpıada oıyndary dástúrimen baılanysty eski grek dástúri. 1992 jyly Halyqaralyq Olımpıada komıteti barlyq memleketti osy kelisimdi saqtaýǵa shaqyryp, dástúrdi jandandyrdy. Nátıjesinde, tıisti qarar 1993 jyly qazanda BUU Bas Assambleıasynda qabyldandy.
Esterińizge sala keteıik, sportshy Krıstına Tımanovskaıa belarýs jattyqtyrýshylaryn synǵa alǵannan keıin ony erkinen tys elge áketýge tyrysqan. Alaıda, belarýs tarapynyń áreketine japon polısııasy kedergi keltirdi. Nátıjesinde sportshy Polshadan pana tapty.
