Kóp bolyp kómek kórsetip jatyr

Bıylǵy qurǵaqshylyq, ási­rese, Jitiqara, Denısov, Beıim­bet Maılın aýdandaryna aýyr tıdi. Bul óńirlerdegi shabyndyq jer­lerdiń kóbin ystyq úıtip jiber­gen­dikten, jergilikti sharýa­shy­lyqtar men qarapaıym jurt­tyń bi­razy qysqa qajetti shóptiń jar­tysyna jýyǵyn ǵana jınaı alǵan. Olarǵa  shabyndyǵy mol ózge aýdandardaǵy sharýa qo­ja­lyqtary qolushyn sozyp, ton­nalap shóp jiberip jatyr. Má­selen, taıaýda ǵana meńdiqaralyq sharýalar Jitiqara aýdanyna 120 tonna shóp jóneltti. Uzyn­kóldikter Beıimbet Maılın aýdanyna 50 tonna shóp basyp berse, naýyrzymdyqtar aldaǵy 2-3 kún ishinde Denısov aýdanyna 70 tonna shóp jiberýdi josparlap otyr.

Máselen, shildeniń 30-y kúni Meńdiqara aýdanyndaǵy «Qarqyn» agrofırmasy Jitiqara óńiriniń turǵyndaryna 100 tonna shóp jetkizip berdi. Aýdan ákiminiń orynbasary Radık Es­qa­lıevtiń aıtýynsha, bul shóp zeı­net­kerler men turmysy tómen ot­basylarǵa, basqa da muqtaj tur­ǵyndarǵa úlestirilip jatyr.

Oblys kóleminde uıymdas­tyrylyp jatqan qaıyrymdylyq shara­synan bıyl shópten qysyl­maı qońdy otyrǵan sharýashy­lyq­tardyń eshqaısysy qalys qalyp jatqan joq. Biraýyz sózge kelmeı, qolyndaǵy barymen bólisýde. О́tken aptada Beıimbet Maılın aýdany­nyń turǵyndaryna Uzyn­kól óńirindegi «Vesta» sharýa qoja­lyǵynan 10 tonna, «Kazanka» jáne «Nadejda» seriktes­tik­terinen 30 tonna, «Krýtoıarsk» JShS-nen 10 tonna rýlon­dalǵan shóp jetti. Bıyl alqap­taǵy as­ty­ǵynyń birazy kúıip ket­ken Naýyrzym óńirindegi sharýalar­dyń ózi shóp qoryn tolyq qamdaı almaı jatqan kórshiles aýdandaǵy aǵaıynǵa kómek qolyn sozýǵa bel baılap otyr.

Aýyl turǵyndaryn qoljetimdi baǵada jemshóppen qamtamasyz etý jumystary Arqalyq óńirinde de oıdaǵydaı júzege asyrylyp jatyr. Jalpy, bul óńirde 370 sharýashylyq bar. Onyń 122-si mal sharýashylyǵymen aınalysady. Búgingi tańda Kóktaý, Ekidiń, Jalǵyztal, Qaıyńdy, Selınnyı, Ańǵar, Jańaqala aýyldarynda shóp daıyndaý qyzý júrip jatyr. Al Rodına, Fýrmanov, Vos­tochnyı, Molodejnyı, Úshtóbe, Arqa­lyq qalasyn mal azyǵymen qamtý máselesin kórshiles Aman­geldi aýdanynyń kásipkerleri kóterip alyp otyr.

Qıyn-qystaý kezeńde qysqy shóp baǵasynyń sharyqtap ketpeýi úshin oblys basshylyǵy jergilikti bıýdjetten 1,8 mlrd teńge bólip otyr. Bul qarjy fermerlerge sýbsıdııa túrinde berilmek.

Jalpy, aldaǵy qystan qysyl­maı shyǵý úshin oblysta 1 mln 84 myń tonna shóp qory jınalýy kerek. Aýdandyq ákimdikterdiń máli­metin­she, búginge deıin 840 myń ton­na­dan asa shóp qory jınalyp alynǵan.

Qostanaı oblysy