Jylqy men qoı saqtandyrylady

2020 jyldan beri mal sharýa­shy­lyǵy salasynda tek sıyrlardy túrli táýe­kel­­derden saqtandyrý jumysy atqa­ry­lyp kelgen bolatyn. Endi mine na­ryqqa qoı men jyl­qyny tolyq saq­tan­dyrýdy qam­­tamasyz etetin jańa ónim­der en­gi­zildi. Oǵan barlyq yqtımal táýe­kel­­der kiredi jáne salystyrmaly túrde quny da tómen.

Mal aýrýdan, órtten, jazata­­ıym oqı­ǵalardan shetinen ury­lar soıyp alsa, joǵalyp ketse saq­tan­dyrý arqyly shyǵyndy ótep alýǵa múmkindik bar.

Maldy qalypty túrde saqtan­dy­rý aıasynda fermer malyn óz sharýashy­ly­ǵynyń aýmaǵynda ǵana túrli táýe­kel­derden saqtandyra ala­­dy. Saq­tan­dy­rýdyń keńeıtilgen for­matynda fermer malyn 5 km ra­dıýsta ornalasqan kórshi sharýa­shy­lyq­tardaǵy aýrýlardyń ór­shýi­nen saqtandyrady.

Saqtandyrýǵa jatatyn mal sany ke­­minde 30 bas bolýy kerek. Saq­tan­dy­rylatyn mal sanyna baılanysty saq­tandyrý tarıfteriniń ártúrli deń­geı­leri belgilengen. Máselen, jylqy úshin – 2,31 paıyzdan 6,46 paıyzǵa deıin, usaq mal úshin – 2,38 paıyzdan 6,16 paıyzǵa deıin.

– Atalǵan ónimder boıynsha saq­tan­dyrý syıaqylaryn sýbsı­dııalaý túrinde memlekettik qoldaý jumys isteıdi. Ol aýyl sharýashylyǵy taýar óndirýshilerin ynta­landyrýǵa jáne saqtandyrý syıa­qysy soma­sy­nyń 50 paıyzyn sýbsı­dııa­­laý arqyly saqtandyrý shartyn jar­tylaı arzandatýǵa baǵyttalǵan. Osylaısha, saqtandyrý shartyn jasaý kezinde fermer shart qu­ny­nyń jartysyn, al qalǵan jar­ty­syn operator – Aýyl sharýa­shy­lyǵyn qarjylaı qol­daý qory tóleıdi, – dep naqtylady Aýyl sharýashylyǵyn qarjylaı qoldaý qorynyń basqarýshy dırektory Asqar Qalıev.

Júıede Qarjy naryǵyn retteý jáne damytý jónindegi agenttiktiń lısenzııasy bar saqtandyrý kompanııalary ǵana jumys isteıdi.

Táýekelderdi álemdik saqtandyrý nary­ǵynda «A» reıtıngisi bar Ha­lyq­­aralyq qaıta saqtandyrý kom­panııasy qaıta saqtandyratyn bo­­­­­lady. Bul saqtandyrý táýekel­de­ri týyndaǵan jaǵ­daıda kepil­den­di­ril­gen tólemderdi qam­ta­masyz etýge múm­kindik beredi.

Shart jasaýdan bastap tólem­der­ge deıingi barlyq rásimder fer­merdiń elektrondy sıfrly qol­­tańbasy arqyly Qoldau.kz plat­formasynda ornalasqan Agroinsurance aq­pa­rattyq ser­vı­sin­de júrgiziledi.

Atalǵan ónimder ishinara avto­mat­tan­dyrylǵan. Eger janýar aýyrǵan jaǵ­daıda epızootııalyq qyz­­metter is-shara­laryn júrgizýi kerek jáne olardyń nátı­jeleri jú­ıege júkteledi.