Maýsym aıymen salystyrǵanda EEB-daǵy bos jumys oryndarynyń jalpy sany 15%-ǵa, al rezıýmeler sany 3%-ǵa azaıdy. Sonymen qatar Túrkistan, Aqmola, Atyraý oblystary men Shymkent qalasynda kadrǵa qajettiliktiń artqany baıqalady.
Absolıýttik mánde bos jumys oryndarynyń sany biliktiligi joq eńbekke qatysty – 6,9 myń birlikke (23%) birshama azaıdy. Shilde aıynda ákimshilendirý salasyndaǵy qyzmetshilerdi qospaǵanda, tıisti toptar arasynda barlyq sanattar boıynsha bos jumys oryndarynyń sany tómendegeni baıqalady. Olarǵa suranys 2,9 myń birlikke nemese 78%-ǵa ósti jáne osy sanat boıynsha bos jumys oryndary sanynyń ósýine negizgi úlesti Túrkistan jáne Aqmola oblystary qosty.
Jekelegen mamandyqtarǵa keletin bolsaq, bos jumys oryndary sanynyń eń eleýli ósýi saýalnama júrgizý jónindegi suhbattasýshy (+2,2 myń), hat almasý jónindegi kómekshi (+0,9 myń) jáne statıst (+0,6 myń) sııaqty kásipter boıynsha baıqaldy. Biliktiligi joq eńbekke baılanysty kásipter arasynda bos jumys oryndarynyń ósýi taýarlardy jınaqtaýshy, bazardaǵy satýshy jáne býyp-túıýshi turǵysynda atalyp otyr.
Sonymen qatar ornalastyrylǵan rezıýmelerdiń qarqyny kórsetkendeı, shilde aıynda kishi medısınalyq qyzmetkerler men mektep oqytýshylary arasynda belsendiliktiń artýy baıqalady. Máselen, bir aı ishinde EEB-daǵy feldsherler rezıýmesiniń sany 421 birlikke, meıirgerler – 237 birlikke, bastaýysh synyp, shet tili, dene shynyqtyrý jáne sport muǵalimderi tıisinshe 283, 271 jáne 266 birlikke ósti. Pedagogıkalyq qyzmetkerler arasyndaǵy belsendilikti jańa oqý jylynyń jaqyndaýymen baılanystyrýǵa bolady.
О́z kezeginde, EEB-daǵy rezıýmeler men bos oryndar sanyn salystyrý, bilikti eńbek resýrstaryna suranystyń ózgergenin kórsetedi. Shilde aıynda kúzetshilermen, avtokólik júrgizýshilerimen jáne sanıtarlarmen qatar, saýalnama júrgizý boıynsha joǵaryda aıtylǵan suhbattasýshylarǵa (2595 bos orynǵa 48 rezıýme), hat almasý boıynsha kómekshilerge (1 rezıýme jáne 923 bos oryn) jáne statısterge (10 rezıýme jáne 665 bos oryn) tapshylyq baıqaldy. Biliktilikti qajet etpeıtin eńbekke suranys ótken kezeńderdegideı ózgerissiz qaldy – EEB-de júk túsirýshilerdiń, qara jumysshylardyń, as úı jumysshylary men aýla sypyrýshylardyń jetispeýshiligi baıqalady.
Usynylǵan eńbek resýrstary týraly aıtatyn bolsaq, zańgerler men malshylardan basqa, feldsherler (607 rezıýmege 201 bos jumys orny), dene shynyqtyrý jáne sport (92 bos jumys orny jáne 459 rezıýme), shet (229 bos jumys orny jáne 576 rezıýme) jáne qazaq tili muǵalimderi (116 bos oryn jáne 455 rezıýme) jóninde artyq usynys baıqaldy. Biliktiligi joq qyzmetkerler arasynda qosalqy jumysshylar, eldimekender men aýmaqtardy abattandyrý boıynsha jumysshylarǵa suranys joq, bul kóktemde – maýsymdyq jumystardyń bastalý kezeńinde bos oryndardyń kópshiligi tolýmen baılanysty bolsa kerek.
О́ńirlik taldaý elimizdiń tórt óńirinde – Túrkistan (+33%), Aqmola (+20%), Atyraý (+7%) oblystarynda jáne Shymkent qalasynda (+10%) bos jumys oryndary sanynyń óskenin kórsetedi. Aqmola jáne Túrkistan oblystarynda jańa jumys oryndarynyń eń kóp ósimi «ákimshilendirý salasyndaǵy qyzmetshiler» sanattary boıynsha baıqaldy – tıisinshe 8,4 jáne 4,7 ese. Atyraý oblysy men Shymkent qalasynda bos jumys oryndary sanynyń eń eleýli ósimi «óndiris operatorlary» (+48% jáne +114%) jáne «basshylar» (+46% jáne +39%) toptary turǵysynda ańǵarylady.
Túrkistan oblysynda shilde aıynda tapshy mamandyqtar tizimin saýalnama júrgizý jónindegi suhbattasýshy (1996 bos orynǵa 47 rezıýme), Aqmola oblysynda hat almasýdy júrgizý jónindegi kómekshiler (0 rezıýme jáne 919 bos jumys orny), Atyraý oblysynda statıst (0 rezıýme jáne 622 bos jumys orny) bastady, al Shymkent qalasynda qara jumysshylar jetispedi (152 rezıýme jáne 262 bos jumys orny).
Ornalastyrylǵan rezıýmeler qarqyny shilde aıynda izdenýshiler sany, eń joǵary ósimmen Qyzylorda (+49%), Túrkistan (+43%) oblystarynda jáne Shymkent qalasynda (+42%), 6 óńirde óskenin kórsetedi. Qyzylorda oblysynda tehnık-mamandar men basshylar arasynda, Túrkistan oblysynda ákimshilendirý salasyndaǵy qyzmetshiler men basshylar arasynda belsendiliktiń ósýi baıqaldy, al Shymkent qalasynda rezıýmelerdiń sany kóbine óndiris operatorlarynda ósken.
Jalpy, shilde aıynda bos oryndar men jumys izdeýshiler arasyndaǵy alshaqtyq saqtaldy, al ornalastyrylǵan rezıýmeler EEB-daǵy suranystyń tek 59%-yn ǵana qamtydy.
