Oblystyq densaýlyq saqtaý basqarmasynyń baspasóz qyzmeti taratqan málimetke súıensek, sońǵy birneshe táýlikte Jylyoı aýdany men Teńiz kenishinde baıqalyp otyr.
«Atyraý oblysynda ótken táýlik – 5 tamyzda koronavırýs ınfeksııasyn juqtyrǵan 340 naýqas anyqtaldy. Onyń ishinde Atyraý qalasynda 230 adamnyń qaýipti vırýsqa shaldyqqany rastaldy. Al, Teńiz ken ornynda 28 jumysshydan indet belgisi anyqtaldy.
Sondaı-aq Jylyoı aýdanynda – 26, Qyzylqoǵada – 12, Inderde – 11, Isataıda – 11, Qurmanǵazyda – 11, Mahambette – 6, Maqat aýdanynda 5 adamnan koronavırýs juqtyrdy» dep habarlady basqarmanyń baspasóz qyzmeti.
Qazir 5 333 adam óz úıinde em qabyldaý úshin oqshaýlanǵan. Teńiz ken ornyndaǵy stasıonarda – 440, aýdandardaǵy stasıonarlarda – 410, №2 oblystyq aýrýhanada – 200, modýldik aýrýhanada – 195, temirjol aýrýhanasynda – 108, kardıologııalyq ortalyqta – 105, oblystyq aýrýhanada – 94, ftızıopýlmanologııa ortalyǵynda 76 pasıent em qabyldaýda. Sondaı-aq ınfeksııalyq stasıonarǵa aınalǵan jataqhanada 108 naýqas jatyr.
