«Til mádenıettiń negizgi elementi jáne ult pen onyń birligin qalyptastyrýdyń múltiksiz sharty bolyp tabylady. Qazaq tilin saqtaý jáne damytý bizdiń memleketimizdiń mádenı saıasatynyń asa mańyzdy mindetin quraıdy. Sizder de memlekettik tildiń saqtalýy men damýyna baǵa jetpes úles qosyp otyrsyzdar», dedi Til saıasaty komıtetiniń tóraǵasy Ádilbek Qaba.
Qazaqstan Respýblıkasy Táýelsizdiginiń 30 jyldyǵyn merekeleý sheńberinde ótkizilgen aksııaǵa elimizdiń 14 óńirinen 171 adam qatysty.
19 etnos ókilderi belgili qazaq aqyndarynyń týǵan el, týǵan jer, ana tili taqyrybyndaǵy jyr jaýharlarynan úzindilerdi mánerlep jatqa oqydy.
О́z óleńderin oqyǵan daryndy qatysýshylar da boldy.
Qatysýshylar arasynda orys ultynyń ókilderi basym – 70 qatysýshy. О́zbek, tatar, dúngen, kúrd, nemis, ázerbaıjan ulttarynyń ókilderi de belsendi qatysýshylardyń qatarynda boldy.
Sharaǵa qatysýshylardyń basym kópshiligi Qostanaı, Jambyl, Túrkistan, Qaraǵandy, Aqtóbe oblystarynan.
Barlyq materıaldardy muqııat zerdelegen qazylar alqasynyń sheshimimen Sametova Hamıda (ShQO), Kochetkova Galına (Aqtóbe obl), Kefer Olga (Aqtóbe obl), Korchemkına Anna (BQO), Adeeva Masrýr (Shymkent q.) aksııa jeńimpazdary bolyp tanyldy.
Yntalandyrý dıplomdarymen Vıktorııa Doroshko (Qostanaı obl), Marııam Tochıeva (Aqmola obl), Kahrabo Iýldasheva (Nur-Sultan q.), Anıýta Tregýb (Aqtóbe obl), Anastasııa Gross (ShQO), Indıra Belskaıa (ShQO), Majıt Gerfanov (Qostanaı obl), Svetlana Tarasova (Nur-Sultan q.) marapattaldy.
Esterińizge sala keteıik, aksııanyń 5-8 synyp oqýshylary arasynda ótken I kezeńine 22 etnostan 326 adam qatysty.
9-11 synyp oqýshylary men kolledj stýdentteri arasynda ótken II kezeńge 14 etnostan 213 adam qatysty.
Kelesi kezeń 6 tamyz ben 6 qyrkúıek aralyǵynda quqyq qorǵaý, ishki ister organdary ókilderiniń arasynda ótedi.
Qatysýshylardyń materıaldary Instagram jelisinde #menqazaqshasóıleımin2021 heshtegi boıynsha qaraýǵa bolady.
