Aımaq boıynsha juqpaly indettiń taralý qarqyny sońǵy 2 aptada 0,8 paıyzdan 1,0 paıyzǵa deıin artty. Taldaý boıynsha Alakól, Balqash, Eskeldi, Qarasaı, Qaratal, Kerbulaq, Raıymbek, Sarqan aýdandarynda jáne Qapshaǵaı qalasynda vırýs juqtyrǵandardyń artqany baıqalady.
Anyqtalǵan 300 jaǵdaıdyń 49-y - 14 jasqa deıingi balalar. Sondaı-aq, 30 oqýshy men 3 stýdenttiń de koronavırýs juqtyrǵany belgili boldy.
Sonymen qatar óńirge jyl basynan beri vaksınanyń birinshi komponentiniń 634 255 dozasy kelip tústi, onyń ishinde - Gam kovıdak – 553 745, Hayat Vax - 39 500, QazVac - 13 010, Koronavak - 28 000 doza. Al ekpe alýshylar qatary apta saıyn ósip kele jatqany baıqalǵan.
Derek boıynsha, koronavırýsqa qarsy vaksınanyń birinshi komponentimen 572 169 adam egildi, ekinshisi ekpe alǵandar sany – 425 171. Vaksınalanǵandar arasynda memlekettik qyzmetkerlerdiń úlesi – 11 943 adam, medısına qyzmetkerleriniń sany – 23 406 adam, pedagogtar qatary 38 357 adam jáne basqa salada qyzmet etýshiler sany 447 425 adam bolsa, dárigerdiń muqııat tekserýinen keıin ekpe saldyrýǵa ruqsat berilgen sozylmaly aýrýlary bar 4486 adam vaksına pasportyn alǵan. Osylaısha, Jetisýda ekpe alǵandar sany jarty mıllıon adamnan asty.
