«Jaıyq-Atyraý» zaýytyndaǵy 16 toǵanda bekire tuqymdas balyqtardyń 3,5 mln shabaǵy memlekettik tapsyrysqa sáıkes ósirilgen. Buǵan qosa jergilikti tabıǵat paıdalanýshylar Kaspıı teńiziniń bıresýrsyn saqtaýǵa qosqan úlesi retinde 279 myń shabaq ósirýge tapsyrys bergen.
«Bıylǵy kóktemde aýlanǵan bekire tuqymdas balyqtardan jasandy jolmen qara ýyldyryq alyndy. Keıin sol ýyldyryqtan shabaqtar ósirildi. Bekire tuqymdas balyqtar bir-birine uqsamaıdy. Shabaqtar da solaı, ólshemderi ártúrli bolady. Ortasha eseppen shabaqtardyń salmaǵy 7-47 gramdy quraıdy» deıdi «Jaıyq-Atyraý» bekire ósirý zaýytynyń dırektory Ǵılman Sársemalıev.
