«Quqyqtyq tártip» jedel-aldyn alý is-sharasyn júrgizý kezinde Shemonaıha qalasy, «Rýbej» stasıonarlyq baqylaý beketinde polısııa qyzmetkerleri 58 jastaǵy azamat basqaryp kele jatqan «Toıota» avtokóligin toqtatqan. Qyzmettik ıt avtomobıldiń salonyn tekserý kezinde 43 jastaǵy jolaýshynyń qaltasyna taıap baryp, belgi bergen.
Tekserý barysynda oń qaltasynan ósimdik tektes qońyr-jasyl tústi túıinshek tárkilendi.
Sarapshynyń qorytyndysy boıynsha, alynǵan zat salmaǵy 3,41 gramm «keptirilgen marıhýana» eken.
О́skemen qalasynyń 43 jastaǵy turǵyny bul zatty Shemonaıha aýdany Ýst-Talovka kentiniń «Ýba» ózeniniń jaǵasynan ózi paıdalaný úshin julyp alǵanyn túsindirdi.
Atalǵan fakti boıynsha QR QK-niń 296-baby 2-bóligi boıynsha sotqa deıingi tergeý bastaldy.
