«Ulttyq statıstıka bıýrosynyń málimetinshe, qazirdiń ózinde qazaqstandyqtar 19 mıllıonǵa jetti. Al Almaty halqynyń sany eki mıllıonnan asty! Aıala Jambyl eki mıllıonynshy turǵyn atandy. Ol polısııa qyzmetkeri Beıbit Ábildaev pen balabaqsha tárbıeshisi Álııa Jánibekovanyń otbasyndaǵy altynshy qyz. Densaýlyq, amandyq pen baqyt tileımin!», dep jazdy Baqytjan Saǵyntaev Facebook-tegi paraqshasynda.
Eske sala ketsek, 3 tamyzda Qazaqstan Prezıdenti Qasym-Jomart Toqaev elimizde halyq sany 19 mıllıonǵa jetkenin jarııalady.
«Táýelsizdiktiń 30 jyldyǵy qarsańynda Qazaqstan halqynyń sany tarıhı mejege jetti. Almaty oblysynda dúnıege kelgen Jánııa Azamatqyzy elimizdiń on toǵyz mıllıonynshy azamaty retinde tirkeldi. Jánııa — otbasynda tórtinshi bala. Ata-anasy men qazaqstandyqtardy osy qýanyshpen quttyqtaımyn. Baýy berik bolsyn!», dep jazdy Memleket basshysy.
