BIR RETTIK ShPRIS

Bul qural Atyraýda shyǵaryla bastady Buryn Atyraý ónerkásibimen tanylǵan óńir edi. Endi medısına salasynda kúnine ál­de­neshe ret qoldanylatyn bir rettik shprıster shyǵarýmen aty shyqpaq. О́tken jyly Atyraýda osyndaı ónim shyǵaratyn zaýyttyń tehnologııasyn qurastyrý bastalǵan bolatyn. Ony iske asyrǵan “Brando” JShS-niń  dırektory Dáýlet Dosalıevtyń túsindirge­nindeı, zaýyttyń jyldyq qýaty 250 mıllıon dana shprıs shyǵarýǵa negizdelgen. Suranys  kóbeıgen saıyn onyń kólemin eki esege jýyqqa arttyrýǵa bolady eken. – Elimiz táýelsizdik alǵannan bergi kezeńde san túrli ónimder shyǵarylyp jatyr. Bir rettik shprıs óndirý jobasy  Atyraýda alǵash ret qolǵa alynyp otyr. Bul –Atyraýdaǵy ınvestısııalyq jobalardyń biri, –dedi oblys ákimi Bergeı Rysqalıev zaýyttyń shıkizatty daıyndaýdan ónim óndirýge deıingi  úderisimen tanysý kezinde. Zaýyt dırektory Dáýlet Dosalıevtyń aı­týynsha, ınvestısııalyq jobanyń quny 6 mıl­lıon AQSh dollaryn quraıdy. Bul –otandyq ınvestordyń qarjysy. Zaýytqa ónim óndirý úshin qajetti shıkizattar Koreıa, Belgııa, Reseı elderinen ákelingen. Shıkizat alǵashqy satyda arnaıy apparatpen óńdeledi. Sonan soń shprıstiń qalyby jasalyp, basqa da bólikteri daıyndalady. Zaýytta jumys jasaıtyn 25 maman medısınalyq shprıs óndirýdiń barlyq úderisin qatań baqylaıdy.  Arnaıy jabdyqtar arqyly shyǵyp jatqan shprıster qalyptaryn mamandar mıkroskoppen tekserip, jaramdyly­ǵyna kóz jetkizip baryp jınaqtaý sehyna jiberedi. Sońynan  3, 5, 10, 20 gramdyq shprısterdiń barlyq bólshegi qurastyrylyp, zalalsyzdandyrý máshınesinde 10 saǵatqa deıin saqtalady. Mamandar shprısti osyndaı zalalsyzdandyrýdan soń ǵana paıdalanýǵa bolatynyn aıtady. О́nim óndirý úderisi tolyq avtomattandyrylǵan. – Barlyq qondyrǵylary Koreıadan alyn­ǵan  bul zaýyttaǵy barlyq úderister  halyq­aralyq ISO-9001 jáne ISO-14001 standart­taryna sáıkes atqarylady. Sol sebepten 6 mamandy Koreıaǵa oqýǵa jiberdik. Olar sondaǵy zaýytta ónim óndirý, júrgizý, basqarý tásilderi tehnologııasyn meńgerip keldi. Endi olar osyndaǵy mamandardy úıretýde, –deıdi dırektor D. Dosalıev. Zaýytta Koreıa tehnologtary qazaqstandyq mamandarǵa baǵyt-baǵdar berip, óz tájirıbele­ri­men bólisýde. Solardyń biri Chan Ý Lı qazaqstandyq jastardyń jańa mamandyqty Koreıada  jedel meńgerip, endi jańa óndiris or­nynda tájirıbe jınaqtaýda biliktilik tanytýda ekenin aıtady. Mundaǵy jumysqa alynǵan­dardyń barlyǵy jergilikti jastar. Bir saǵatta 60 myń dana, jylyna 250 mıllıon dana ár mólsherdegi shprısterdi shyǵaratyn zaýyttyń ekologııaǵa zııany joq, deıdi mamandar. Tek shprıs shyǵarýǵa qajetti shıkizat –polıpro­pılen ázirge Qazaqstanda óndirilmeıdi. Osy ónimdi Atyraýdan shyǵaratyn jobalar ke­sheýildep jatyr. Sol sebepten shıkizat Koreıa, Belgııa jáne Reseı sekildi alys-jaqyn el­derden alynady. Soǵan qaramastan 5 gramdyq shprıstiń ózindik quny 5 teńgeden aspaıdy, ózgeleriniń quny mólsherine baılanysty budan sál qymbattaý bolady, dep paıym jasaıdy zaýyt basshylary. Qazir Atyraýda óndirilgen otandyq shprıs­terdiń alǵashqy legi saraptamadan ótýde. Aty­raý­daǵy dárihanalarda ózge elderden, sonyń ishinde alystaǵy Geramnııadan jetkizilgen 5 gramdyq shprıs 15 teńgeden satylýda ekenin eskersek, tutynýshy úshin dál osyndaı otan­dyq ónimniń baǵasy odan áldeqaıda arzanǵa túsedi. Onyń ústine Atyraýda shyǵarylatyn shprıster túrleriniń sapasy halyqaralyq talaptarǵa tolyqtaı sáıkes keledi. Endeshe otandyq naryqta bul shprıster óz ornyn ıelene alatynyna senim bar. Tipti alys-jaqyn shetelder rynogyna  shyǵarýdyń múmkindigi bolatyndyǵy da daý týdyrmaıdy. Joldasbek ShО́PEǴUL.Atyraý oblysy.