Quqyq qorǵaý organdarynyń qyzmetkerleri únemi túsindirý jumystaryn júrgizip otyrady.
Qarý men oq-dárilerge bógde adamdardyń kirýine jol bermeý qajet. Olar qulyppen jabylatyn seıfterde nemese metall shkaftarda, beriktigi joǵary materıaldardan jasalǵan jáshikterde, temirmen qaptalǵan aǵash jáshikterde bolýy tıis. Seıfti, shkafty nemese qarý saqtaýǵa arnalǵan jáshikti edenge nemese qabyrǵaǵa bekitý kerek. Úı-jaıdy kúzet sıgnalızasııasymen jabdyqtaý qajet.
Tasymaldaý kezinde qarý oqtalmaǵan jáne fýtlıarǵa, qapqa býyp-túıilýi tıis. Al patrondar patronnıkke, nemese barabanǵa jiberilmeı, qarýmen birtyǵynǵa býyp-túıilýi qajet.
Turǵylyqty jerin aýystyrǵan kezde qarýdyń ıesi tirkelgen jeri boıynsha IIO qarýdy esepten shyǵarý týraly ótinishpen júginýi tıis. Al jańa turǵylyqty jerine kelgennen keıin ol qarýdy esepke qoıý úshin 10 kún ishinde IIO júginýge mindetti.
Azamattarǵa tabylǵan qarýdy saqtaýǵa, paıdalanýǵa tyıym salynady. Mundaı qarýdy dereý ishki ister organdaryna tapsyrý qajet. Qarý men oq-dárilerdiń aınalymy tártibin buzǵan adamdar ákimshilik jaýapkershilikke tartylady. Jekelegen jaǵdaıda olarǵa 1 jyl merzimge qarýdy saqtaý men alyp júrýge ruqsattardyń kúshin joıý, sondaı-aq qarýdy tárkileý qarastyrylady.
