Bul týraly Murat Mutyrǵanov Instagram-paraqshasynda jarııalady. Ol 9 tamyzda otbasynda qaıǵyly jaǵdaı bolǵanyn aıtyp, anasy ómirden ozǵanyn jazdy. Ol qaterli isikke shaldyqqan eken.
«Anamyz perishtedeı edi. О́mirdi, otbasyn, adamdardy, tabıǵatty, janýarlardy jaqsy kóretin. Júregi meıirimge toly edi. Anammen tanys bolǵannyń bári búgin onyń rýhy úshin duǵa etińizdershi. Anashym, siz bizdiń júregimizde máńgi jasaısyz. Jatqan jerińiz jaıly bolsyn», dep jazdy Murat Mutyrǵanov.
Murat Mutyrǵanovtyń anasy «Mýtýrganchıkı» sırk trıosynyń ákimshisi bolǵan. Onda Murat, onyń ákesi Kárim Mutyrǵanov jáne qaryndasy óner kórsetken.
«Anam - erekshe adam! Onyń maǵan degen sheksiz mahabbaty ómir boıy saqtalady! Menińshe, artıstiń anasy bolý ońaı emes, biraq onyń qolynan keldi», dedi Murat.
