Qazaqstan halqy Assambleıasy qoǵamdyq medıatorlar ınstıtýtyn qalyptastyrý jáne damytý boıynsha júıeli jumys júrgizýde jáne 5 jyl ishinde belgili bir oń nátıjelerge qol jetkizildi. Aıta keteıik, respýblıkada 20 Medıasııa keńesi qurylǵan. Tek respýblıkalyq Medıasııa keńesi ózara yntymaqtastyq týraly 20-dan astam (onyń ishinde QR Joǵarǵy sotymen, QR Sýdıalar odaǵymen, Reseı Federasııasynyń «Federaldyq Medıasııa ınstıtýtymen», Reseı Federasııasynyń Ulttyq medıatorlar uıymymen, QR Ulttyq densaýlyq saqtaý palatasymen, «Atameken» UKP-men, Respýblıkalyq advokattar alqasymen, Respýblıkalyq notarıattyq palatamen, QR Adam quqyqtary jónindegi ýákilmen jáne «Turan-Astana» ýnıversıtetimen) memorandýmǵa qol qoıdy.
Esterińizge sala keteıik, 2016 jyly Qazaqstan halqy Assambleıasynyń qoldaýymen barlyq óńirlerde medıasııa kabınetteri ashylyp, «Qoǵamdyq kelisim» KMM shtatyna medıasııa máseleleri boıynsha úılestirýshiler qabyldandy.
Búginde «Qoǵamdyq kelisim» KMM jáne dostyq úılerinde 17 medıasııa kabıneti jumys isteıdi, olar halyqpen jumys isteý úshin 346 dıalogtyq alań jumysyn uıymdastyrdy, ıaǵnı qoǵam ómiriniń barlyq aspektilerin derlik qamtydy. QHA tiziliminde 2152 medıator bar, onyń ishinde, 2050 kásibı emes medıator, 102 kásibı medıator.
Qazirgi tańda 311 000 adamdy qamtı otyryp, 16 myńnan astam is-shara ótkizildi, 27 myńnan astam azamat medıasııa ádisterin qoldaný daǵdylaryna oqytyldy. О́tkiziletin is-sharalar búkil el boıynsha medıasııa ınstıtýtyn tanymal etýge baǵyttalǵan.
«Egemen-aqparat»
