Foto: 24.kz
QR Bilim jáne ǵylym mınıstrligi COVID-19 pandemııasyna baılanysty oqýshylarǵa aldaǵy oqý jylynda da mektep formasyn kııýdi mindettemeıdi.
Bul arada KTK telearnasynyń habarlaýynsha, mektep formasyn óndirýshiler mınıstrliktiń bul sheshimine narazy. Olar mektep formasyn tigýge daıyndyqty alty aı buryn bastaǵan jáne qajetti materıaldardy satyp alyp qoıǵan. О́ndirýshiler ótken jyly osyndaı jaǵdaıǵa tap boldy.
Soǵan qaramastan kıim óndirýshileri 2020 jyly quny 53,6 mlrd teńge bolatyn kıim óndirgen, bul 2019 jylmen salystyrǵanda 6,2%-ǵa kóp.
Osy jyldyń qańtar-maýsymynda kıim óndirý kóleminiń jartysyna jýyǵy tek úsh oblysqa tıesili boldy: Almaty oblysy (4,7 mlrd. teńge), Almaty qalasy (4 mlrd. teńge) jáne Qaraǵandy oblysy (3,2 mlrd. teńge).
Fızıkalyq turǵydan alǵanda, kıimniń kóptegen negizgi túri boıynsha ósim baıqaldy. Mysaly, erler men er balalarǵa arnalǵan syrtqy kıimder óndirisi 4,4%-ǵa, ıaǵnı 89,8 myń danaǵa deıin ósti.
Qolmen toqylǵan nemese mashınada toqylǵan syrt kıimderdi shyǵarý 11,8%-ǵa, al jempir syndy trıkotaj óndirisi 7,5%-ǵa, bas kıim 35,7%-ǵa, al tabıǵı júnnen tigilgen kıimderdiń buıymdary men kerek-jaraqtary 42,4%-ǵa ósti.
Al áıelder men qyzdarǵa arnalǵan syrt kıimder birden 2 esege, sábılerge arnalǵan toqylǵan kıimder 25,8%-ǵa, shulyq óndirisi 1%-ǵa tómendedi.
