Qazir sotqa deıingi tergeý amaldary júrip jatyr.
Aldyn ala boljam boıynsha, oqıǵa 9 tamyz saǵat 18:30-da Báıterek aýdanyndaǵy aýyldardyń birinde bolǵan. Birge ishimdik ishken ekeýdiń arasynda janjal bastalǵan. Bul týraly BQO Polısııa departamentiniń general-maıory Mahsýdhan Ablazımov aıtty.
«1960 jyly týǵan azamattyń múrdesin T. esimdi azamat taýyp alyp, bul týraly polısııaǵa habarlaǵan. Polısııanyń arnaıy quramy osy oqıǵa boıynsha jedel izdestirýge kirisip, kúdiktini qolǵa túsirdi. Shyndyqty jasyryp, tergeýdi basqa jaqqa burmaq bolǵan onyń E. esimdi uly anasyn óltirdi degen kúdikke ilindi. Mán-jaıdy anyqtaý barysynda kúdikti men onyń anasynyń arasynda janjal týyndaǵany, sosyn onyń keýde tusyna aýyr jaraqat salǵany anyqtaldy. Áıel alǵan jaraqatynan qaıtys bolǵan», deıdi general-maıor.
Atalǵan fakti boıynsha QR Qylmystyq kodeksiniń 106-baby 3-bóligi boıynsha sáıkes sotqa deıingi tergeý bastaldy.
