ShQO Polısııa departamenti baspasóz qyzmetiniń málimetine súıensek, Jánerke Qanapııanova osydan eki kún buryn joǵalyp ketken.
Úıden dúkenge shyǵyp ketken jasóspirim sol kúıi qaıtyp oralmady.
«8 tamyzda polısııaǵa qońyraý shalǵan áıel adam 14 jastaǵy qyzynyń iz-tússiz joǵalǵandyǵyn habarlady. Ál-Farabı dańǵyly 26/1 mekenjaıynan syrtqa shyǵyp ketken jasóspirimniń qaıda ekendigi áli kúnge deıin belgisiz. Qazirgi ýaqytta polısııa qyzmetkerleri jedel-izdestirý sharalaryn júrgizip jatyr», dep habarlady vedomstvo ókilderi.
Jánerkeniń ústinde aq jeıde, qara shalbar jáne qyzyl krossovka bolǵan. Ony kórgen nemese qaıda ekendigi jaıly qandaı da bir málimeti bar azamattar 8(777)169-64-66 nómirine nemese «102» jedel arnasyna qońyraý shalýlaryna bolady.
