«Sıklon jáne onymen baılanysqan atmosferalyq fronttar respýblıkanyń soltústigi, shyǵysy men ońtústik-shyǵysyndaǵy aýa raıyna áserin áli de saqtaýda. Osyǵan baılanysty soltústikte jáne soltústik-shyǵysta qatty jańbyr jaýady, jekelegen aýdandarda naızaǵaı men burshaq, keı jerlerde tuman túsedi. Elimizdiń qalǵan óńirlerinde aıtarlyqtaı jaýyn-shashynsyz aýa raıy bolady. Batys aýdandarda qatty ystyq aýa raıy saqtalady. Respýblıka boıynsha keı jerlerde jel kúsheıedi», delingen «Qazgıdromet» RMK baspasóz habarlamasynda.
Atap aıtqanda, Soltústik Qazaqstan, Pavlodar oblystarynyń keı jerlerinde naızaǵaı oınap, burshaq jaýyp, tuman túsedi, jel 15-20 m/s deıin kúsheıedi.
Qostanaı oblysynda naızaǵaı oınap, tuman túsedi, 15-20 m/s jel soǵady.
Aqmola, kúndiz Jambyl oblysynyń keı jerlerinde naızaǵaı, burshaq bolyp, 15-20 m/s shamasynda jel soǵady. Jambyl oblysynda shańdy daýyl bolady.
Kúndiz Qyzylorda, Batys Kazaqstan oblystarynda jeldiń jyldamdyǵy 15-20 m/s deıin kúsheıedi. Aqtóbe oblysynyń keı jerlerinde, Almaty oblysynyń taýly aýdandarynda naızaǵaı bolýy múmkin.
Shyǵys Qazaqstan oblysynda naızaǵaı oınap, jel jyldamdyǵy 15-20 m/s jetedi.
Kúndiz Atyraý oblysynda óte qatty ystyq saqtalady. Mańǵystaý, Batys Qazaqstan oblystarynyń basym bóliginde qatty ystyq, keı jerlerinde óte qatty ystyq bolady.
«Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Almaty, Qaraǵandy, Batys Qazaqstan oblystarynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady», delingen habarlamada.
