Jetken soń azamatshany Almatydaǵy tergeý ızolıatoryna ornalastyryp, ortalyqqa qaraı bet alǵany sol, kósheniń bir shetinen kómek surap aıǵaılaǵan daýysty estıdi.
Daýys shyqqan jaqqa jetse, ótip bara jatqan adamdar es-tússiz jatqan jas áıeldi kórip, kómekke shaqyrǵan eken. Tájirıbeli medısına qyzmetkeri Olesıa áıeldiń epılepsııamen aýyratynyn birden túsingen. Dereý oryndyqqa jatqyzyp, tili taıyp ketpeýi úshin basyn qyryndatqan. Epılepsııa ustamasy uzaqqa sozylǵan. О́skemendik feldsher kópshiliktiń kómegimen áıeldi jaraqattanyp qalýdan qorǵap qalǵan. Tergeý ızolıatorynyń mańaıynda uıaly baılanys ustamaıtyndyqtan jedel járdem shaqyrý da qıynǵa soqqan. Tek 15-20 mınýttan keıin ǵana qurysýlary azaıyp, áıel esinen tanyp qalǵan. Olesıa bolsa, qoldan kelgen kómegin kórsetip, áıeldi óz-ózine keltirgen.
Keán belgili bolǵandaı naýqas sonaý Tarazdan tergeý ızolıatorynda otyrǵan kúıeýine kelgen eken. О́zi bes jyldan beri epılepsııaǵa shaldyqqan. Ýaıym kóbeıgen saıyn, aýrýy da asqyna bergen. Ekeýi áńgimelesip otyrǵan sátte epılepsııa ustamasy taǵy qaıtalaǵan. Biraq feldsher dereý betin qaıtarǵan.
О́zge qaladan kelgen áıeldiń jaǵdaıyn baıqaǵan Olesıa máselelerin sheship berýge kómek qolyn sozyp, jedel járdem shaqyrtqan. Aýrýhanada qurysyp-tyrysýǵa qarsy preparattar egip, esin ábden jıǵyzǵan. Alaıda, ol aýrýhanaǵa jatýdan bas tartqan. Sebebi aýylyna oralýy kerek edi. Tarazdyq áıel Olesıaǵa alǵysyn jaýdyrdy.
