Polısııa departamentiniń baspasóz qyzmetinen málim etkendeı, Jedel basqarý ortalyǵy kezekshi bóliminiń «102» tetigine belgisiz adamnan Taraz qalasyndaǵy «MART» saýda ortalyǵynyń ǵımaratyna jarylǵysh zat qoıylǵany týraly habarlama túsken.
Atalǵan saýda ortalyǵyna kelgen polısııa qyzmetkerleri 300-den astam adamdy shuǵyl evakýasııalady. Ǵımaratqa tolyq tekserý júrgizildi. Jarylǵysh zat tabylǵan joq. «Qazirgi tańda kórineý jalǵan aqparatty habarlaý deregi boıynsha sotqa deıingi tergeý amaldary bastaldy.
QR Qylmystyq-prosestik kodeksiniń 201-babynyń talaptaryna sáıkes, sotqa deıingi tergep-tekserýdiń basqa derekteri tergeý múddesine oraı jarııalaýǵa jatpaıdy», delingen vedomstvo málimetinde.
