Tileýhan Ábildaevtyń sózine súıensek, kemshiliktiń basym bóligine bastapqy medısınalyq-sanıtarlyq kómek uıymdary jol bergen. Emhanalar kórsetken qyzmetten 44 myń kemshilik anyqtalyp, 124,9 mln teńge qaıtaryp alyndy.
Sonymen birge, aqaýmen kórsetilgen 4,6 myń qyzmet stasıonarlar men stasıonardy almastyratyn kómek uıymdaryna tıesili ekeni elgili boldy. Olar 870,2 mln teńge aıyppul tóledi.
«Monıtorıng barysynda anyqtalǵan kemshilikterdiń deni emdeý-dıagnostıka barysynda belgilengen standarttardan aýytqý, medısınalyq qujattardy durys toltyrmaý, qyzmet baǵasyn negizsiz ósirý syndy olqylyqtar. Sonymen qatar, «kórsetildi» dep jazǵan belgili bir qyzmet túrleriniń shyn máninde kórsetilgenin rastaı almaǵan klınıkalar da bar», dedi Tileýhan Ábildaev.
Budan bylaı Qor sarapshylary halyqqa kórsetilgen qyzmet sapasyn turaqty baqylap otyrady. Kórsetilgen qyzmet aqysy da jan-jaqty tekserýden keıin tólenedi. Qaıtaryp alynǵan qarajat medısınalyq kómektiń ózge túrlerine jumsalady.
