Buǵan deıin JOO-da tekserý júrgizilip, onyń qorytyndysy boıynsha komıtet qyzmetkerleri tıisti talapqa saı emes túrli jaǵdaılardy anyqtady. «Aqmeshit» ınstıtýtyna uıǵarym berilip, oqý ornyna barlyq sáıkessizdikti joıýǵa ýaqyt berildi. Alaıda joǵary oqý orny berilgen ýaqytty bilim berý qyzmetteriniń sapasyn jaqsartý úshin qajetti jumysty júrgizý máselesine emes, sot talqylaýyna jáne BǴM komıtetiniń is-áreketterine shaǵymdanýǵa jumsaǵan.
– Joǵary oqý oryndarynda tekserý jumystaryn bilim berý sapasy men kadrlar daıarlaýdy jaqsartý úshin júrgizetinimizdi túsiný mańyzdy. Bul rette biz JOO-lardy lısenzııadan birden aıyrmaımyz jáne olardy birden jappaımyz. Joǵary oqý oryndaryna buzýshylyqtardy joıýǵa ýaqyt berilgenimen, eshqandaı áreket bolǵan joq. Osyǵan baılanysty biz keıinirek qatań sharalar qabyldaýǵa májbúrmiz. Joǵary oqý oryndarynyń stýdentteri úshin jaǵdaı jasap, bilim berý baǵdarlamalarynyń sapasyn jaqsartýǵa qol jetkizýi mańyzdy. Áıtpese, josyqsyz ýnıversıtetter sapaly bilimmen qamtamasyz etpeı, dıplom berýdi jalǵastyrady. «Aqmeshit» gýmanıtarlyq-tehnıkalyq ınstıtýtyna keletin bolsaq, sońǵy tekserý osy jyldyń maýsym aıynda júrgizildi. Buzýshylyqtar joıylǵan joq. Áńgime materıaldyq-tehnıkalyq bazanyń álsizdigi jáne oqý prosesin uıymdastyrýdaǵy eleýli kemshilikter týraly bolyp otyr. Instıtýttaǵy keıbir pánderdi tıisti bilimi men dá-
rejesi joq oqytýshylar júrgizgen. Tipti oqý prosesi merziminen buryn aıaqtap, nátıjesinde stýdentter bilim berý baǵdarlamalaryn tolyq ıgere almaǵan. Qazirgi tańda ınstıtýt oqý ornyn lısenzııadan aıyrý týraly qabyldaǵan sheshimimizge narazylyq bildirýge tyrysyp jatyr», dedi BǴM Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.
Búgingi tańda «Aqmeshit» ınstıtýtynyń bilim berý qyzmetine akkredıtasııasy joq. Alaıda dıplomdardyń jaramsyz bolǵandyǵyna qaramastan, ınstıtýt olardy Bilim jáne ǵylym mınıstrliginde tirkelgen serııalar men nómirlersiz bergen.
Sondyqtan stýdentterdiń nazaryna joǵary oqý oryndary lısenzııadan aıyrylǵan bolsa jáne JOO akkredıtteýden ótpegen jaǵdaıda, bilim alýshylar granttardy saqtaı otyryp ári ıgerilgen kredıtter men pánderdi qaıta tapsyryp, basqa joǵary oqý oryndaryna aýysýǵa quqyly ekenine aıtqymyz keledi.
Osy jyldyń túlekteri basqa joǵary oqý oryndaryna aýysa alady jáne olardyń oqý nátıjeleri eskerilip, dıplom beriledi. Bul joǵary jáne joǵary oqý ornynan keıingi bilim berý uıymdary qyzmetiniń úlgilik qaǵıdalarynda kózdelgen.
Talapkerler men ata-analardy joǵary oqý ornyn tańdaý máselesine muqııat bolýǵa shaqyramyz. Osy rette oqý orny usynyp otyrǵan bilimniń sapasyn, bolashaqta jumysqa ornalasýdyń perspektıvalary, joǵary oqý ornynyń bedeli men reıtıngtegi ornyn eskerý qajet. JOO reıtıngin mınıstrliktiń tapsyrysy boıynsha «Atameken» Ulttyq kásipkerler palatasy ótkizedi.
