Tahar provınsııasynyń zańnamalyq organy tóraǵasynyń orynbasary Rýholla Raýfı qaýipsizdik kúshteriniń qyzmetkerleri men jergilikti bılik ókilderi Farhar ýezine kóshkenin jetkizdi. Onyń aıtýynsha, tálibter barlyq qoǵamdyq oryndarǵa basa kóktep kirgen. Sondaı-aq jergilikti túrmeden sottalǵandardy bosatqan.
Sonymen qatar sodyrlar Talýkanǵa shabýyl jasaı bastaǵanyna eki aptaǵa jýyqtaǵan. «Talıban» qozǵalysynyń málimetine sáıkes, olar Talýkandaǵy barlyq qoǵamdyq ǵımaratty óz qaramaǵyna alǵan. Osylaısha, «Talıban» basyp alǵan Aýǵan provınsııalarynyń ákimshilik ortalyqtarynyń sany beske jetti.
Buǵan deıin «Talıban» Sarı-Pýl jáne Kýndýz provınsııalarynyń ákimshilik ortalyqtaryn basyp alǵan bolatyn. Al bir kún buryn tálibter eldiń soltústigindegi Djýzkan provınsııasynyń astanasy – Shıbırgan qalasyna kirdi. «Talıban» qozǵalysy Aýǵanstan aýmaǵynyń 80 paıyzyn baqylaýǵa alǵanyn aıtty. BUU málimetinshe, sońǵy bir aıda tálibterdiń shabýyly saldarynan Aýǵanstannyń 1 myńnan astam beıbit turǵyny qaza boldy.
