Atyraý qalalyq ákimdigi baspasóz qyzmetinen málim etkendeı, 13 tamyzda jóndeý jumystaryna baılanysty «Balyqshy-Jumysker» baǵytyndaǵy kópirde avtokólik qozǵalysyn toqtatý kózdelip otyr.
«Jóndeý kezinde kópir qurylymynyń deformasııalyq qosylystaryn demontajdaý jáne aýystyrý, sondaı-aq qozǵalys qaýipsizdigin qamtamasyz etý maqsatynda shuńqyrlardy jamaý josparlanyp otyr. Qaıta jańartý jumystaryna baılanysty Qunanbaev kóshesinen bastap «Balyqshy-Zaroslyı» baǵytymen qatynaıtyn tas jolda avtokólik qozǵalysy toqtatylady. Osy oraıda, avtokólik júrgizýshileri qala joldarynda keptelis týdyrmaý úshin qozǵalys baǵytyn aldyn ala josparlaýy qajet», dep habarlady ákimdiktiń baspasóz qyzmeti.
