«Bir rettik medısınalyq maskanyń kólemi 3 mıkronnan asatyn aerozolderdiń 95%-yn ustap qalatyn týraly rastalǵan aqparat bar. Demek, tek 5%-y ǵana maskadan óte alady», dedi Farıda Aǵybaeva.
Dárigerdiń aıtýynsha, bir rettik maskany 2-3 saǵattan artyq qoldanýǵa bolmaıdy.
«Sonymen qatar tórt qabatty matadan nemese tyǵyz jasandy kenepten jasalǵan, birneshe ret qoldanýǵa arnalǵan maska da tıimdi. Qaıta qoldanýǵa bolatyn maskany qoldanǵannan keıin ystyq sýda untaq pen dezınfeksııa qosyp, jýady. Kepken soń býsyz útikteý qajet», deıdi dáriger.
F. Aǵybaeva maskany, eń aldymen, naýqastar taǵýy kerek ekenin aıtty.
«Bul onyń aýzy-murnynan bólingen fızıologııalyq suıyqtyqtyń maskada qalýy úshin qajet. Al deni saý adamdar aýrý juqtyryp almaý úshin taǵady», deıdi ol.
