Barlyq oblystar men respýblıkalyq mańyzy bar qalalarda jastardyń ózekti máselelerin talqylap, sheshý joldaryn usynatyn óńir ákimderi janyndaǵy keńes otyrystary, «Qaıyrymdy ister marafony» jalpyulttyq jobasy aıasynda qaıyrymdylyq is-sharalary jáne volonterlerdiń qatysýymen ekologııalyq aksııalar uıymdastyryldy.
Halyqaralyq jastar kúni is-sharalarynyń mańyzdy bóligi JOO jáne TjKB uıymdarynyń túlekterin, NEET sanatyndaǵy jastardy jáne t.b. jumysqa ornalastyrýǵa járdemdesý maqsatynda vakansııa jármeńkeleri uıymdastyryldy.
Elimizdiń barlyq óńirlerindegi is-sharalardyń jas qatysýshylary memlekettik qoldaý sharalary boıynsha onlaın-konsýltasııalar aldy, sondaı-aq motıvasııalyq jáne quqyqtyq daǵdylardy, kásipkerlik jáne sıfrly quzyretterdi damytý boıynsha vebınarlarǵa qatysty.
Budan basqa áleýmettik jelilerde ekologııalyq jáne qaıy-
rymdylyq is-sharalar, aǵartýshylyq «chellendjder» uıymdastyryldy.
Aıta keteıik, Halyqaralyq jastar kúni – 12 tamyzda atap ótiletin jyl saıynǵy mereke. Bul 2000 jyldan, ıaǵnı 1999 jyly BUU Bas Assambleıasy 12 tamyzdy Halyqaralyq jastar kúni dep jarııalaý týraly jastar mınıstrleriniń dúnıejúzilik konferensııasynyń usynysyn qoldaǵannan bastap atap ótilýde.
«Egemen-aqparat»
