«Zardap shekkenderdiń sany 18-ge jetti, onyń ishinde bir áıel qaıtys boldy», dedi Gýsev.
Qalalyq jedel járdem stansııasynyń ókiliniń aıtýynsha, dárigerler qaza tapqan áıeldiń kim ekenin anyqtaı almady.
«Ol týraly derekter joq. Shamamen 35 jasta», dedi ol.
Aıta keteıik, beısenbi kúni keshke Voronej qalasynyń ortalyǵynda shaǵyn avtobýsta jarylys boldy.
Jedel járdem stansııasynyń habalaýynsha, jaraqat alǵandar arasynda balalar joq.
«Jarylys kezinde avtobýsta 35 adam bolǵan», dep habarlady Voronej qalasynyń Lenın aýdanynyń prokýrory Iýrıı Býrsov «Rossııa-24» telearnasyna bergen pikirinde.
Oqıǵanyń neden bolǵany qarastyrylyp jatyr.
Vıse-gýbernator Vıtalıı Shabalatovtyń aıtýynsha, jarylysqa gaz ballonynyń jarylýy sebep bolýy múmkin. Oqıǵa ornynda arnaıy qyzmetter jumys istep jatyr.
Bul rette qalalyq kólik basqarmasy bastyǵynyń orynbasary Maksım Zaharovtyń aıtýynsha, avtobýsta gaz qondyrǵysy bolmaǵan jáne dızel otynymen jumys istegen.
TASS derekkóziniń habarlaýynsha, oqıǵa jolaýshylar avtobýsqa aıaldamadan kirgen kezde bolǵan.
Oblys gýbernatory Aleksandr Gýsev qalanyń barlyq avtoparkin tekserýdi tapsyrdy. Sonymen qatar turǵyndarǵa avtobýstaǵy jarylys týraly jalǵan aqparat taratpaýdy eskertti, zardap shekkenderge medısınalyq kómek kórsetý men materıaldyq ótemaqy sharalaryn ázirleýdi tapsyrdy.
Prokýratýra jarylysqa qatysty tergeýdi bastady.
