Kútpegen jaǵdaıattyń basty sebebi zymyran-tasyǵyshtyń úshinshi basqyshy iske qosylmaı qalǵan.
Eldiń Ǵaryshtyq zertteýler uıymy bul sátsizdikti «tehnıkalyq aqaýdan boldy» dep túsindirdi. Tasymaldaǵyshta jerdegi tabıǵı apattar jaýyn-shashyn baǵyty jáne basqa qubylystardy ǵaryshtan baqylaýǵa arnalǵan salmaǵy 2 tonnalyq jerserigi bolǵan.
«Bastapqy 2 basqysh iske qosylǵanymen, úshinshisi áreketsiz qaldy. Bul eń mańyzdy bólik bolatyn. Sebebi aýyr jerserigin kóterýge múmkindik beretin qozǵaltqysh osynda ornalasqan. Áreketimizdiń nátıjeli aıaqtalatynyna úmitimiz zor bolatyn», dedi astrofızıka ınstıtýtynyń professory Ar Sı Kapýr.
