Búgingideı qıyn ýaqytta bıznesti qoldaý úshin osyndaı sheshim shyqqan edi. Alaıda, kóp uzamaı kásipkerler klıentterin arnaıy qosymsha arqyly tekserýdi toqtatty. Oblystyń «Qyzyl» aımaqqa ótkenin elemeı, jurtqa júıeni qalaı aldap, aınalyp ótýge bolatynyn ashyq aıta bastady.
«Búgin restoratorlarmen kezdeskende ne jaýapkershilikpen jumys isteısińder, ne múldem jumysty toqtatasyńdar dep máseleni tótesinen qoıdym», dedi oblys basshysy.
Aımaq ákimi restorandar jumystaryn jalǵastyrý úshin qatań túrde «Ashyq» júıesi arqyly jumys istep, kelgen qonaqtardyń mártebesin shyn tekserýleri tıis ekenin taǵy eskertti. Sondaı-aq olar klıentterdiń epıdemıologııalyq jaǵdaıyn tekserý úshin qoǵamdyq baqylaýdy uıymdastyrýǵa mindetti, merekelik is-shara ótkizetinderi jóninde eki táýlik buryn ákimdikterge eskertip, mindetteme alýlary kerek.
«Biz osylaı ǵana naýqas adammen baılanysta bolǵandardyń sanyn naqtylaı alamyz. Karantın talaptaryn buzsa jáne meıramhanalarǵa kelgen qonaqtardyń jappaı vırýs juqtyrǵany anyqtalsa, eń qatań shara qoldanylady», dedi Danıal Ahmetov.
Keńes qorytyndysy boıynsha memorandým daıyndaý jóninde sheshim qabyldandy. Oǵan jumysty jalǵastyrǵysy keletin jáne qoǵam aldynda jaýap berýge daıynmyn degen restoran qojaıyndary qol qoıady.
