«Nur-Sultan qalasy boıynsha Medısınalyq saqtandyrý qorynyń medısınalyq qyzmet jetkizýshileriniń arasynda 36 uıym alǵashqy medısınalyq-sanıtarııalyq kómek kórsetedi. Olardyń 18-i – memlekettik, qalǵany –jekemenshik klınıkalar», dep habarlaıdy «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti.
Medısınalyq-sanıtarııalyq alǵashqy kómek kórsetetin medısınalyq uıymdarǵa tirkelý tártibine ózgerister engizildi. Olar tek sheteldik azamattar men eńbek mıgranttaryna qatysty.
Jańa qaǵıdalarǵa sáıkes, eldiń aýmaǵynda ýaqytsha bolatyn nemese baspana izdep júrgen azamattyǵy joq sheteldik adamdardy emhanaǵa tirkeý erikti medısınalyq saqtandyrý (EMS) shartynyń negizinde jáne onyń qoldanylý merzimi aralyǵynda ǵana júzege asyrylady. Qoldanylý merzimi aıaqtalǵannan keıin olar medısınalyq uıymnan avtomatty túrde shyǵarylady.
EAEO-ǵa múshe memleketterden kelgen eńbek mıgranttarynyń mindetti túrde MSAK qyzmetterine erikti medısınalyq saqtandyrýy bolýy qajet.
Emhanaǵa tirkeýge ótinish erkin nysanda qazaq nemese orys tilinde, jeke basyn kýálandyratyn qujatty nemese sheteldik tólqujatty qosa bere otyryp, usynylady. О́tinish berýshi medısınalyq uıymǵa jeke ótinish berýi kerek nemese ol úshin erikti medısınalyq saqtandyrý shartyn jasasqan saqtandyrý uıymynyń ókilderi muny jasaýy kerek. Azamattar áleýmettik medısınalyq saqtandyrý qorynyń jetkizýshilerine nemese Densaýlyq saqtaý mınıstrliginiń aqparattyq júıelerimen ıntegrasııalanǵan medısınalyq uıymdarǵa tirkelýge bolady.
QR aýmaǵyna ýaqytsha kelgen sheteldikter men olardyń otbasy músheleri MÁMS júıesinde qazaqstandyq azamattarmen birdeı quqyqtardy paıdalanady.
QR azamattary, qandastar jáne QR aýmaǵynda turaqty turatyn sheteldikter úshin emhanaǵa tirkelý tártibi ózgerissiz qalady.
Emhanaǵa qalaı tirkelý kerek?
Birinshi ádis (barlyǵy úshin).
Elektrondyq úkimettiń veb-portaly arqyly emhanaǵa tirkelý www.egov.kz. «Densaýlyq saqtaý» bóliminde «Medısınalyq-sanıtarııalyq alǵashqy kómek kórsetetin medısınalyq uıymǵa tirkelý» qyzmetin tańdaý qajet. О́risterdi toltyrý arqyly medısınalyq uıymǵa ótinish berý kerek. Pasıent týraly málimetterdi emhana memlekettik aqparattyq júıelerden avtomatty túrde alady. Jaýap oń bolǵan jaǵdaıda azamatqa medısınalyq uıymnyń ESQ-sy qoıylǵan elektrondyq qujat túrinde emhanaǵa tirkelgeni týraly habarlama jiberiledi.
Ekinshi ádis (halyqtyń jekelegen sanattary úshin).
Erkin nysandaǵy ótinish pen jeke basyn kýálandyratyn qujat usyný arqyly emhanaǵa baryp tirkelýge bolady. Bul ádis zań boıynsha zeınetkerlerge, múgedekterge, olardyń qamqorshylaryna, sondaı-aq patronat tárbıeshilerge, kolonııada jazasyn ótep jatqandarǵa, stýdentterge, merzimdi áskerı qyzmetshilerge, shet memleketterde týylǵan balalarǵa jáne senimhat boıynsha tirkeýdi júzege asyratyn adamdarǵa ǵana qol jetimdi.
Qashan tirkelý kerek?
Qazaqstanda jyl saıyn 15 qyrkúıekten 15 qarashaǵa deıin MSAK medısınalyq uıymdaryna halyqty erkin tirkeý naýqany júrgiziledi. Medısınalyq kómek alý úshin tirkelýdiń mártebesin tikeleı turǵylyqty jeri boıynsha emhanada nemese elektrondyq úkimet veb-portalynda ESQ arqyly tekserý usynylady. Tirkelý nemese qaıta tirkelý kezinde emhanany turǵylyqty jerine jaqyn jerden tańdaý usynylady, qajet bolǵan jaǵdaıda ýchaskelik dáriger naýqasqa úıge bara alady. Bul ásirese pandemııa kezinde óte mańyzdy.
«Naýqan kezinde MSAK uıymyna tirkele otyryp, azamattar medısınalyq kómekti 2022 jyldyń 1 qańtarynan bastap ala bastaıdy. Iаǵnı, osy jyldyń 31 jeltoqsanyna deıin azamattarǵa buryn tirkelgen emhanada qyzmet kórsetiledi», dep túsindirdi Áleýmettik medısınalyq saqtandyrý qorynyń elorda fılıaly.
Tirkeý naýqany Densaýlyq saqtaý sýbektileriniń derekqorynda tirkelgen jáne TMKKK jáne MÁMS boıynsha medısınalyq qyzmetter kórsetýge úmitker medısınalyq uıymdar arasynda ǵana júrgiziledi.Tirkelýge qoljetimdi emhanalardyń tizimimen Qordyń www.fms.kz saıtynda «Emhanany tańdaý» bóliminde tanysýǵa bolady.
