Pavlodar oblysy Polısııa departamenti bastyǵynyń orynbasary Rashad О́teýovtiń aıtýynsha, Jambyl oblysynyń turǵyny Instagram áleýmettik jelisinen feık paraqsha ashyp, ózin qyz retinde tanystyrǵan. Basqa qoldanýshylarǵa qysqa merzimde iri tabys tabýdy usynǵan. Ol úshin «Alǵa jyljytý» dep atalatyn ınvestısııalyq jobany tanystyryp, «1Xbet» býkmekerlik keńsesindegi shotyna aqsha aýdarýdy suraǵan.
Polısııa búgingi kúni kúdiktiniń respýblıka boıynsha 50 adamǵa zarar keltirgenin málimdedi. Jábirlenýshiler 10-nan 200 myń teńgege deıin aqsha salǵan.
Kúdikti anyqtalyp, ustaldy. Atalǵan faktiler boıynsha Qazaqstan Respýblıkasy QK-niń 190-baby 2-tarmaǵynyń 4-bóligi boıynsha sotqa deıingi tergeý júrip jatyr.
