AQSh ortalyq barlaý basqarmasynyń burynǵy qyzmetkeri Edvard Snoýden baspasóz bostandyǵy qorynyń dırektorlar keńesine múshe bolady. Bul týraly ITAR-TASS habarlady.
AQSh-tyń baspasóz bostandyǵy qory 2012 jyldyń jeltoqsan aıynda qoǵamnyń qyzyǵýshylyǵyn týdyratyn aqparattardyń ashyq bolýyna umtylǵan jýrnalısterge qoldaý kórsetý ári qorǵaý maqsatynda qurylǵan bolatyn. Qor dırektorlar keńesiniń quramyna 1960 jyldary Vetnamǵa qatysty Pentagon qujattarynyń jarııa etilýin uıymdastyrǵan AQSh Qorǵanys mınıstriniń burynǵy kómekshisi Denıel Ellsberg, akter Djon Kıýsak pen Snoýdennyń aqparattaryn jarııalaý arqyly tanymaldylyǵy artqan brıtandyq «Guardian» gazetiniń qyzmetkeri Glenn Grınvald kirdi.
Edvard Snoýden ótken jyldyń maýsym aıynda AQSh arnaıy qyzmetiniń túrli elderdegi azamattardyń ınternettegi jáne telefondaǵy baılanystaryn jasyryn tyńdaıtyn qupııa baǵdarlamasyn jurtshylyqqa jarııa etken bolatyn. Baǵdarlama halyqaralyq deńgeıde daý týdyryp, AQSh-tyń odaqtastary da oǵan narazylyqtaryn bildirgen edi. Sol jyldyń tamyzynda ol Reseıden bir jylǵa ýaqytsha saıası baspana aldy.
Aıdar О́risbaev.
Derekkóz: Itar-tass.com
Foto: Itar-tass.com
