Yrǵyz aýdanyna jumys saparymen kelgen oblys ákimi Ońdasyn Orazalın aralary 20-30 shaqyrym bolatyn úsh aýylǵa baryp, turǵyndardyń qýanyshtarymen bólisti. «Yrǵyz aýdanyna gaz jetkizý máselesi kúrdeli bolatyn ári aýyl turǵyndary birneshe jyldan beri osy máseleni kóterip júr. О́ıtkeni eń shalǵaıdaǵy aýdanda gaz qubyry birer jyl buryn tek aýdan ortalyǵyna ǵana jetkizilgen edi. Memleket basshysynyń aýyldyq aımaqtardy damytý, halyqtyń ál-aýqatyn jaqsartý jónindegi tapsyrmasyna sáıkes osy jyly úsh aýyl gazdandyryldy. Bul baǵyttaǵy jumystar jalǵasa beredi. Sonymen qatar eldi mekendergesapaly aýyz sýmenjetkizý máselesi de kezeń-kezeńimen sheshilip keledi», dedi óńir basshysy.
Sheńbertal aýylynyń turǵyndarynyń aıtýynsha, qys boıy úı jylytýǵa shamamen 5-6 tonna kómir jumsalady. Búginde aýdanda Qaraǵandy kómiriniń ár tonnasy shamamen 25-26 myń teńgeden satylyp jatyr. «Kómir satyp alǵanǵa qaraǵanda úı jylytqanda gazdyń tólemi arzanyraq. Bizdiń qýanyshymyzda shek joq», dep Qurylys aýylynyń turǵyny Shamshat Aıtpambetov rızashylyǵyn bildirdi.
Bıylǵy jyldyń sońyna deıin Yrǵyz aýdanynyń Qutıkól eldi mekenine de gaz qubyry tartylmaqshy. Qazirgi kezde qurylys-montajdaý jumystary aıaqtalýǵa jaqyn. Jalpy, osy jyldyń sońyna deıin Aqtóbe oblysynyń 14 eldi mekenine kógildir otyn jetkiziledi dep josparlanǵan.
Aqtóbe oblysy
